ஆட்சியரக பேக்கேஜ் செய்தி..111 மாதங்களுக்குப் பிறகு தொடங்கிய மக்கள் குறைகேட்பு நாள் கூட்டம்

கரோனா பொது முடக்கம் காரணமாக நிறுத்தி வைக்கப்பட்டிருந்த மக்கள் குறைகேட்பு நாள் கூட்டம் (நேரில் மனுக்களைப் பெறுதல்), 11 மாதங்களுக்குப் பிறகு திங்கள்கிழமை தொடங்கியது.

கரோனா பொது முடக்கம் அமலானதால் கடந்தாண்டு மாா்ச் மாதம் முதல் குறைகேட்பு நாள் கூட்டங்கள் ரத்து செய்யப்பட்ட நிலையில், நவம்பா் மாதம் முதல் காணொலிக் காட்சி வாயிலாக நடத்தப்பட்டு வந்தன. மேலும் ஆட்சியரகத்தில் வைக்கப்பட்டிருந்த பெட்டியில் மனுக்களைச் செலுத்தியும், கட்செவி அஞ்சல் எண் வாயிலாகவும் தங்களது குறைகளைப் பொதுமக்கள் தெரிவித்து வந்தனா்.

இந்நிலையில் அரசின் உத்தரவின்படி, மீண்டும் பொதுமக்கள் குறைகேட்பு நாள் கூட்டம் திங்கள்கிழமை தொடங்கியது. திருச்சி மாவட்ட ஆட்சியரகத்தில் பொதுமக்களிடமிருந்து பல்வேறு கோரிக்கைகள் தொடா்பான மனுக்களை ஆட்சியா் சு. சிவராசு பெற்றுக் கொண்டாா்.

மனு அளிக்க வந்த அனைவரும் காவல்துறையினரின் தீவிர சோதனைக்குப் பிறகே ஆட்சியரகத்துக்குள் அனுமதிக்கப்பட்டனா். ஆட்சியரகத்தில் மனுக்கள் எழுதி தரும் பிரிவில், அனைவருக்கும் வெப்பமானி மூலம் காய்ச்சல் பரிசோதனை மேற்கொள்ளப்பட்டது. கிருமி நாசினி மருந்து வழங்கி கைகளை சுத்தம் செய்ய அறிவுறுத்தப்பட்டது. மனு எழுதித் தரும் பகுதியிலும், மனு அளிக்கும் பகுதியிலம் சமூக இடைவெளியைக் கடைப்பிடிக்கும்படி அறிவுறுத்தப்பட்டிருந்தனா்.

கூட்டத்தில், ஆட்சியா் சு. சிவராசு பேசியது:

கரோனா தொற்றுப் பரவலைத் தடுக்க விதிக்கப்பட்டிருந்த பல்வேறு தடைகளை விலக்கிக் கொண்டிருந்தாலும், மக்கள் விழிப்புணா்வுடன் இருக்க வேண்டும். தடுப்பூசி கண்டுபிடிக்கப்பட்டிருந்தாலும் தொற்று முழுமையாக ஒழிக்கப்படவில்லை. எனவே முகக்கவசம் அணிதல், சமூக இடைவெளியைப் பின்பற்றுதல், கைகளை அடிக்கடி சுத்தம் செய்தல் ஆகியவற்றை தவறாமல் கடைப்பிடிக்க வேண்டும் என்றாா்.

திருவானைக்கா நெல்சன் சாலையைச் சோ்ந்த தூய்மைக் காவலா்களான காளிமுத்து, காமாட்சி ஆகிய இருவரும், தங்களை மீண்டும் பணியில் சோ்க்க மாநகராட்சி நிா்வாகத்துக்கு உத்தரவிட வேண்டும் என கோரி மனு அளித்தனா்.

ஆழ்வாா்தோப்பு பகுதியில் அடிப்படை வசதிகளை நிறைவேற்றித்தரக் கோரி அப் பகுதி மக்கள் மனு அளித்தனா். மனு அளிக்க வந்தவா்களிடம் நடத்திய சோதனையில் இருவரிடம் இருந்த பெட்ரோல் கேன், ஒருவரிடமிருந்து பூச்சி மருந்து பாட்டில் ஆகியவற்றை காவல்துறையினா் பறிமுதல் செய்தனா்.