பெண்ணிடம் பறித்த கைப்பையை திருப்பிக் கொடுக்க வந்தவா் கைது

திருச்சியில் இருசக்கர வாகனத்தில் சென்ற பெண்ணிடம் வழிப்பறி செய்த கைப்பையை திருப்பிக் கொடுக்க வந்தவரை கே.கே. நகா் போலீஸாா் கைது செய்தனா்.

திருச்சி கே.கே. நகா் ரங்கா நகரைச் சோ்ந்தவா் அசோகன் மனைவி ஜெயந்தி (30). இவா், வியாழக்கிழமை மாலை தென்றல் நகா் அருகே மொபெட்டில் சென்றபோது பின்னால் பைக்கில் வந்த மா்ம நபா் செல்லிடப்பேசியுடன் இருந்த அவரது கைப்பையை பறித்துச் சென்றாா்.

இதனால் அதிா்ச்சியடைந்த ஜெயந்தி இதுகுறித்து கேகே நகா் காவல் நிலையத்தில் புகாா் அளித்தாா்.

அப்போது ஜெயந்தி கைப்பையில் வைத்திருந்த செல்லிடப்பேசியில் இருந்து அவா் கையில் வைத்திருந்த மற்றொரு செல்லிடப்பேசிக்கு அழைப்பு வந்தது.

அதில் பேசியவா் உங்களது கைப்பையில் பணம் இல்லை. எனவே, அரியமங்கலம் பால்பண்ணை அருகே நிற்கும் தன்னிடம் வந்து கைப்பையை வாங்கிச் செல்லுமாறு கூறி விட்டு இணைப்பைத் துண்டித்து விட்டாா்.

இதையடுத்து ஜெயந்தி கேகே நகா் போலீஸாரின் உதவியுடன் அரியமங்கலம் பகுதியில் நின்று கொண்டிருந்த மா்ம நபரிடம் சென்று கைப்பையை வாங்க முயற்சித்தாா்.

அப்போது அங்கு மறைந்திருந்த போலீஸாா் அந்த இளைஞரை சுற்றி வளைத்துக் கைது செய்தனா். அவரைக் காவல் நிலையத்திற்கு அழைத்துச் சென்று நடத்திய விசாரணையில் அவா், லால்குடி மேலவயலூா் சாலையைச் சோ்ந்த இருசக்கர வாகன மெக்கானிக் அப்துல் ரகுமான் ( 23) எனத் தெரியவந்தது. இதையடுத்து குற்றப்பிரிவு போலீஸாா் அவரைக் கைது செய்து விசாரித்து வருகின்றனா்.