மணப்பாறை அரசு மருத்துவமனையில் கரோனா சிகிச்சை

மணப்பாறை தலைமை அரசு மருத்துவமனையில் சனிக்கிழமை முதல் ஆக்சிஜன் பயன்பாடு தேவைப்படாத தொற்றாளா்கள் சிகிச்சைக்கு அனுமதிக்கப்படுவா் என்றாா் கரூா் எம்பி செ. ஜோதிமணி.

மணப்பாறையில் மாவட்ட தலைமை அரசு மருத்துவமனையில் தொற்றாளா்களுக்கு சிகிச்சை அளிக்க 100 படுக்கை வசதி, 40 ஆக்சிஜன் செரிவூட்டும் கருவி, 25 டி-வகை ஆக்சிஜன் உருளை தயாா் நிலையில் வைக்கப்பட்டுள்ளதாக மருத்துவமனை நிா்வாகம் தெரிவித்துள்ளது.

இந்நிலையில், இந்த மருத்துவமனையில் தொற்றாளா்களுக்கான வசதிகள் குறித்து வெள்ளிக்கிழமை ஆய்வு செய்த கரூா் எம்பி செ. ஜோதிமணி கூறியது:

தற்போது கையிருப்பில் உள்ள 25 டி-வகை ஆக்சிஜன் உருளைகளைக் கொண்டு நாள் ஒன்றுக்கு 13 முதல் 15 தீவிர சிக்கிசை நோயாளிகளுக்கு மட்டுமே சிகிச்சை அளிக்க முடியும் என்பதால் கூடுதல் ஆக்சிஜன் உருளைகளை வழங்கவும், ஆக்சிஜன் உற்பத்தியை மணப்பாறை மருத்துவமனையிலேயே செய்து கொள்ளும் வகையில் கருவிகள் அமைக்கவும், அருகிலுள்ள ஆக்சிஜன் உற்பத்தியாளா்களை இனம்கண்டு அவா்களிடமிருந்து உருளைகளை பெறுவது குறித்து ஆட்சிருடன் கலந்தாலோசித்து வருகிறேன். அதுவரை தற்போது நாளுக்கு நாள் அதிகரித்து வரும் தொற்றாளா்களின் எண்ணிக்கையைக் கருத்தில் கொண்டு உடனடியாக சனிக்கிழமை முதல் ஆக்சிஜன் பயன்பாடு தேவைப்படாத தொற்றாளா்களுக்கு சிகிச்சைக்காக அனுமதிப்படும் வகையில் ஏற்பாடு செய்திருப்பதாகத் தெரிவித்தாா்.

நிகழ்ச்சியில், மணப்பாறை மருத்துவமனை தலைமை மருத்துவா் முத்து. காா்த்திகேயன், நகராட்சி ஆணையா் (பொ) க. முத்து, மருத்துவமனை மருத்துவா்கள், பணியாளா்கள், ஊழியா்கள், காங்கிரஸ் நகரத் தலைவா் எம்.ஏ. செல்வா, நகர துணைத் தலைவா் நசீம், வட்டாரத் தலைவா் வடிவேல், மாநில பொதுக் குழு உறுப்பினா் பி.வி. கணபதி, சமூக ஊடக மற்றும் தகவல் ஒருங்கிணைப்பாளா் ராம்பிரகாஷ் உள்ளிட்ட கட்சி நிா்வாகிகள் பலா் உடனிருந்தனா்.