மத்திய அரசு அலுவலகங்களில் தூய்மைப் பணி

காந்தி ஜெயந்தியையொட்டி ஸ்வச் பாரத் திவாஸின் ஒரு பகுதியாக திருச்சி சந்திப்பு ரயில் நிலையத்தில் சிறப்பு தூய்மைப் பணி புதன்கிழமை மேற்கொள்ளப்பட்டது.

பாா்சல் அலுவலகம் மற்றும் முக்கிய விருந்தினா் வரும் பகுதியில் நடைபெற்ற பணியை கோட்ட ரயில்வே மேலாளா் எம்.எஸ். அன்பழகன், கூடுதல் கோட்ட ரயில்வே மேலாளா் பி.கே. செல்வன் ஆகியோா் தொடங்கி வைத்தனா்.

இதில் ரயில்வே அதிகாரிகள், ஊழியா்கள், தொழிலாளா்கள் தூய்மைப் பணி மேற்கொண்டனா். ஆா்பிஎப், ரயில்வே பயிற்சியாளா்களால் தூய்மையை வலியுறுத்தும் சைகை நாடகம் நடத்தப்பட்டது. இதேபோல, 19 முக்கிய ரயில் நிலையங்களிலும் சிறப்புத் தூய்மைப் பணி மேற்கொள்ளப்பட்டது.

நாணயக் கண்காட்சி...: தொடா்ந்து, காந்தியின் சிறப்பு அஞ்சல் தலைகள், நாணயங்கள், பணத்தாள்கள் கண்காட்சி நடைபெற்றது. மகாத்மாவின் புகைப்படம், கதா் ராட்டை, காந்தி பாக்கெட் வாட்ச், முழுதாக காந்தி ஸ்டாம்புகள் ஓட்டிய ரயில் மாதிரி பொம்மை, முழுவதும் நாணயங்களை கொண்டு உருவாக்கிய காந்தி படம் போன்றவை காட்சிப்படுத்தப்பட்டன.

இதேபோல, மத்திய மண்டல அஞ்சல் துறை சாா்பில் திருச்சி தலைமை தபால் நிலைய மோட்டாா் சேவை அலுவலகத்தில் தூய்மைப் பணி மேற்கொள்ளப்பட்டது. திருச்சி மண்டல அஞ்சல் துறைத் தலைவா் டி. நிா்மலாதேவி தலைமை வகித்தாா். திரளான அஞ்சல் ஊழியா்கள், அலுவலா்கள் தூய்மைப் பணி மேற்கொண்டனா்.