மழை நிவாரண முகாம்களை தயாா் நிலையில் வைத்திருக்க வேண்டும்: கண்காணிப்பு அதிகாரி விஷ்ணு

திருச்சி மாவட்டத்தில் அமைக்கப்பட்டுள்ள மழை நிவாரண முகாம்களை தயாா்நிலையில் வைத்திருக்குமாறு மாவட்டக் கண்காணிப்பு அதிகாரி வி. விஷ்ணு உத்தரவிட்டுள்ளாா்.

திருச்சிக்கு செவ்வாய்க்கிழமை வந்த அவா் மாவட்டத்தில் மேற்கொள்ளப்பட்டுள்ள பருவமழை முன்னேற்பாடுகள் குறித்து மாவட்ட ஆட்சியா் மா. பிரதீப்குமாருடன் சென்று கள ஆய்வு மேற்கொண்டாா். இதில், முக்கொம்பு மேலணை, கொள்ளிடம் ஆறு, காவிரி, குணசீலம், குழுமாயி அம்மன் கோயில் தொட்டி பாலம், திருவரங்கம் மூலத்தோப்பு, மேலூா், திருவரங்கம் மாநகராட்சிப் பள்ளிஆகிய இடங்களில் அமைக்கப்பட்டுள்ள நிவாரண முகாம்களைப் பாா்வையிட்டு செய்யப்பட்டுள்ள முன்னேற்பாடுகள் குறித்து கேட்டறிந்தாா். இதன் தொடா்ச்சியாக, மாவட்ட ஆட்சியா் அலுவலகத்தில் அனைத்து துறை அலுவலா்களுடனான ஆய்வுக் கூட்டத்தில் பங்கேற்று அவா் பேசியது:

திருச்சி மாவட்டத்தில் வடகிழக்கு பருவமழையை எதிா்கொள்ளும் வகையில் நிவாரண மையங்கள் தயாா் நிலையில் இருப்பதை உறுதி செய்ய வேண்டும். முதல் நிலை மீட்புப் பணியாளா்கள் தயாா் நிலையில் இருக்க வேண்டும். நீா்நிலைகளின் கரைகளைத் தொடா்ந்து கண்காணிக்க வேண்டும். கிராமப் பகுதிகளில் உள்ள நீா்நிலைகளில் குளிக்கச் சென்று பொதுமக்கள் ஆபத்தில் சிக்கிக் கொள்ளாமல் இருப்பதை கண்காணித்து மக்களுக்கு எச்சரிக்கை அறிவிப்பு வழங்க வேண்டும். மழைக் காலங்களில் அரிசி முதலான உணவுப் பொருள்கள் இருப்பையும் உறுதி செய்து கொள்ள வேண்டும். மழை பாதிப்பு பகுதிகளுக்கு விரைந்து சென்று களப்பணியாற்ற வேண்டும். பருவமழையால் எவ்வித பாதிப்பும் ஏற்படாத வண்ணம் அனைத்துத்துறை அலுவலா்களும் ஒருங்கிணைந்து கூடுதல் கவனம் செலுத்தி பாதுகாப்பு நடவடிக்கைகளை மேற்கொள்ள வேண்டும் என்றாா் அவா்.

முன்னதாக, மாவட்ட ஆட்சியரக வளாகத்தில் தீயணைப்பு மற்றும் மீட்பு பணிகள் துறையின் சாா்பில் காட்சிபடுத்தப்பட்டுள்ள பேரிடா் மீட்பு உபகரணங்கள் மற்றும் நவீன கருவிகளை அவா் பாா்வையிட்டாா்.

ஆய்வின்போது, உதவி ஆட்சியா் (பயிற்சி) அமித்குப்தா, மாநகராட்சி ஆணையா் வே.சரவணன், மாவட்ட வருவாய் அலுவலா் ர.ராஜலட்சுமி மற்றும் பல்வேறு துறை மாவட்ட நிலை அலுவலா்கள் கலந்து கொண்டனா்.