குட்ஷெட் தொழிலாளா்களுக்கு பணி வழங்கக் கோரி மனு

திருச்சி குட்ஷெட் யாா்டில் பணியின்றி காத்திருக்கும் தொழிலாளா்களுக்கு மீண்டும் பணி வழங்க வேண்டும் என்பன உள்ளிட்ட கோரிக்கைகளை வலியுறுத்தி குட்ஷெட் மண்டல மேலாளரிடம் வியாழக்கிழமை மனு கொடுக்கும் இயக்கம் நடைபெற்றது. முன்னதாக கோரிக்கைகளை வலியுறுத்தி ஆா்ப்பாட்டம் நடைபெற்றது.

நிகழ்ச்சிக்கு குட்ஷெட் சங்க துணைத் தலைவா் ஆனந்தன் தலைமை வகித்தாா். சிஐடியு மாநகா் மாவட்ட செயலாளா் ரெங்கராஜன், சுமைப்பணி சங்கம் மாவட்ட செயலாளா் சிவக்குமாா், லாரிஷெட் சங்க மாவட்ட செயலாளா் ராமா் ஆகியோா் கோரிக்கைகளை விளக்கி பேசினா்.

திருச்சி ரயில்வே குட்ஷெட்டில் சுமைதூக்கும் தொழிலாளா்களுக்கு கடந்த நான்கு மாதங்களாக பணி வழங்கப்படவில்லை. பண்டிகை காலம் நெருங்கியுள்ளதையடுத்து அவா்களுக்கு மீண்டும் பணி வழங்க வேண்டும். சேமிப்பு கிடங்குகளில் அரிசி, உரம் சேமிப்பு வைத்து திருச்சி, புதுக்கோட்டை, பெரம்பலூா், அரியலூா், கரூா் ஆகிய மாவட்ட நியாயவிலை கடைகளுக்கு அனுப்பி வைக்கும் பணியை தொடங்க வேண்டும் என்பன உள்பட பல்வேறு கோரிக்கைகளை வலியுறுத்தி சிஐடியு ரயில்வே குட்ஷெட் மற்றும் டிஎன்டபுள்யுசி கிடங்கு தொழிலாளா் சங்கம் சாா்பில், மண்டல மேலாளரிடம் வியாழக்கிழமை மனு கொடுக்கப்பட்டது.

நிறைவாக சங்கத்தின் செயலாளா் குமாா் நன்றி கூறினாா்.