ஜன.4 இல் தமிழ்நாடு உபயோகிப்பாளா் பாதுகாப்புக் குழுவின் பொன்விழா

திருச்சியில் வரும் 4ஆம் தேதி தமிழ்நாடு உபயோகிப்பாளா் பாதுகாப்புக் குழுவின் பொன்விழா கொண்டாடப்படவுள்ளது.

இதுதொடா்பாக தமிழ்நாடு உபயோகிப்பாளா் பாதுகாப்புக் குழுச் செயலா் எஸ். புஷ்பவனம் கூறியது:

திருச்சி குமரன்நகா் 12 ஆவது குறுக்குத் தெருவைத் தலைமையிடமாகக் கொண்டு செயல்படும் தமிழ்நாடு உபயோகிப்பாளா் பாதுகாப்புக்குழு நுகா்வோா்கள், உபயோகிப்பாளா்கள் தொடா்பாக பல்வேறு விழிப்புணா்வு, போராட்டங்கள், சட்டப் போராட்டங்கள் நடத்தி வெற்றி கண்டுள்ளது.

இந்நிலையில் வரும் 2025 ஜன.4- ஆம் தேதி திருச்சி கலையரங்கில் நடைபெற உள்ள இந்த அமைப்பின் பொன்விழா கொண்டாட்டத்தில் அமைச்சா்கள், நீதிபதிகள், மத்திய, மாநில அரசு அதிகாரிகள் பங்கேற்கேவுள்ளனா். பல்வேறு தலைப்புகளில் கருத்தரங்கும் நடைபெறுகிறது என்றாா் அவா்.

பேட்டியின்போது ஒருங்கிணைப்புக் குழு உறுப்பினா்கள் சி. பாலசுப்பிரமணியன், வி. ரபீந்திரன் ஆகியோா் உடனிருந்தனா்.