திருச்சி தனியாா் மருத்துவனையிலிருந்து சட்ட அமைச்சா் எஸ். ரகுபதி வீடு திரும்பினாா்

திருச்சி: திருச்சியில் தனியாா் மருத்துவமனையில் சிகிச்சை பெற்று வந்த தமிழக சட்டத்துறை அமைச்சா் எஸ். ரகுபதி திங்கள்கிழமை பிற்பகல் வீடு திரும்பினாா்.

திருச்சி விமானநிலையத்துக்கு சனிக்கிழமை வந்தபோது, அமைச்சருக்கு திடீரென உடல்நலக்குறைவு ஏற்பட்டது. இதையடுத்து கண்டோன்மென்ட் பகுதியில் உள்ள தனியாா் மருத்துவமனையில் சிகிச்சைக்காக அனுமதிக்கப்பட்டாா் அமைச்சா்.

மருத்துவமனையில் அமைச்சருக்கு ஆஞ்சியோ பரிசோதனை மேற்கொள்ளப்பட்டு தொடா்ந்து மருத்துவக் கண்காணிப்பில் இருந்து வந்தாா்.

கடந்த 2 நாள்களாக மருத்துவக் கண்காணிப்பில் இருந்து வந்த அமைச்சா் எஸ். ரகுபதி, திங்கள்கிழமை பிற்பகல் வீடு திரும்பினாா்.