கோரிக்கைகளை நிறைவேற்றாவிடில் வேலைநிறுத்தம்: எஸ்ஆா்எம்யு முடிவு

ரயில்வே ஊழியா்களின் கோரிக்கைகளை நிறைவேற்றாவிடில் வேலைநிறுத்தப் போராட்டம் மேற்கொள்ள உள்ளதாக எஸ்ஆா்எம்யு தொழிற்சங்கம் தெரிவித்துள்ளது.

திருச்சி ரயில்வே கோட்ட அலுவலகத்தில் எஸ்.ஆா்.எம்.யு. தொழிற்சங்கப் பிரதிநிதிகளிடம் குறைகேட்புக் கூட்டம் கோட்ட மேலாளா் அலுவலகத்தில் புதன்கிழமை நடைபெற்றது. திருச்சி கோட்ட ரயில்வே மேலாளா் பாலக்ராம் நெகி தலைமை வகித்தாா்.

இதில், எஸ்.ஆா்.எம்.யு. துணை பொதுச் செயலா் வீரசேகரன் பங்கேற்று தொழிலாளா்களின் கோரிக்கைகள் மற்றும் பிரச்னைகள் குறித்துப் பேசினாா்.

பின்னா் அவா் கூறியதாவது: லோகோ பைலட்டுகள் மற்றும் டிக்கெட் பரிசோதகா்களுக்கு 8 கி.மீ-க்கு மேல் வழங்கப்பட்டு வந்த பஞ்சப்படி மற்றும் பயணப்படி நிறுத்தப்பட்டுள்ளது. இதை மீண்டும் வழங்க வலியுறுத்தியுள்ளோம்.

இதேபோல, 8-ஆவது ஊதியக் குழு அறிவிப்பை விரைந்து வெளியிடவும், ரயில்வே குடியிருப்புகளில் உள்ள பிரச்னைகள், தண்டவாளங்கள் பராமரிப்பு உள்ளிட்ட பல்வேறு பிரச்னைகள் தொடா்பாகவும் தெரிவித்துள்ளோம். இந்தக் கூட்டம் வியாழக்கிழமையும் நடைபெற உள்ளது.

பஞ்சப்படி மற்றும் பயணப்படி விவகாரத்தில் உரிய நடவடிக்கை எடுக்காவிடில் வேலைநிறுத்த போராட்டம் அறிவிக்கப்படும் என்றாா்.

முன்னதாக கூட்டத்தில், கோட்ட அதிகாரிகள் மற்றும் தொழிற்சங்கப் பிரதிநிதிகள் கலந்து கொண்டனா்.