பாத்திரக் கடையில் ரூ. 5 ஆயிரம் திருட்டு: இளைஞா் கைது

திருச்சியில் பாத்திரக் கடையில் ரூ.5 ஆயிரம் பணம் திருடிய நபரை போலீஸாா் ஞாயிற்றுக்கிழமை கைது செய்தனா்.

திருச்சி தெற்கு தையல்கார வீதியைச் சோ்ந்தவா் எஸ்.சிதம்பரம் (67). இவா், பீரங்கிகுள வீதியில் பாத்திரக்கடை நடத்தி வருகிறாா்.

இந்நிலையில், இவரது பாத்திரக் கடைக்கு காந்தி மாா்க்கெட் உப்புப்பாறை பகுதியைச் சோ்ந்த த. விஜய் (29), இபி சாலை அந்தோணியாா் கோயில் வீதியைச் சோ்ந்த அ. சுந்தா் (24) ஆகிய இருவரும் ஞாயிற்றுக்கிழமை காலை வந்தனா். அப்போது, தனது வீட்டில் சில்வா் பாத்திரங்கள் விற்பனைக்கு உள்ளதாக சிதம்பரத்திடம் விஜய் தெரிவித்துள்ளாா்.

இதையடுத்து, பாத்திரங்களை பாா்ப்பதற்காக விஜய் வீட்டுக்கு விஜய்யும், சிதம்பரமும் சென்றுள்ளனா். பாத்திரங்களை பாா்த்துவிட்டு இருவரும் கடைக்கு திரும்பி வந்தபோது, அங்கிருந்து சுந்தா் தப்பியோடியுள்ளாா். கடைக்குள் சென்று பாா்த்தபோது கல்லாப்பெட்டியில் வைத்திருந்த ரூ.5 ஆயிரத்தை அவா் திருடிச்சென்றது தெரியவந்தது.

இதையடுத்து, அங்கிருந்து விஜய்யும் தப்பிக்க முயன்றுள்ளாா். அருகிலிருந்தவா்கள் உதவியுடன் அவரை விரட்டிப் பிடித்து காந்தி மாா்க்கெட் காவல் நிலையத்தில் சிதம்பரம் ஒப்படைத்தாா். இதுகுறித்து வழக்குப் பதிந்து விஜய்யை கைது செய்த போலீஸாா், தப்பியோடிய சுந்தரை தேடி வருகின்றனா்.