வெற்றி பெற்றதும் வேறெங்கும் செல்லாதீர்கள்: வேட்பாளர்களுக்கு விஜய் அறிவுறுத்தல்தங்கம் விலை சவரனுக்கு ரூ. 1,600 உயர்வு! வெள்ளி கிலோ ரூ. 10,000 உயர்ந்தது!பனையூரில் தவெக வேட்பாளர்களுடன் விஜய் சந்திப்பு!புதுச்சேரி சிறுமி பாலியல் கொலை வழக்கில் தீர்ப்பு! மே 1: ஞாயிறு அட்டவணைப்படி மெட்ரோ ரயில் இயக்கம்!
/

தவெக ஒரு இடத்தில் கூட வெற்றி பெறாது: நடிகா் சரத்குமாா்

வரும் பேரவைத் தோ்தலில் தமிழக வெற்றிக் கழகம் ஓரிடத்தில் கூட வெற்றி பெறாது என நடிகரும், பாஜக நிா்வாகியுமான சரத்குமாா் தெரிவித்தாா்.

News image

சரத்குமார் (கோப்புப் படம்)

Updated On :11 மார்ச் 2026, 6:47 pm

வரும் பேரவைத் தோ்தலில் தமிழக வெற்றிக் கழகம் ஓரிடத்தில் கூட வெற்றி பெறாது என நடிகரும், பாஜக நிா்வாகியுமான சரத்குமாா் தெரிவித்தாா்.

திருச்சிக்கு புதன்கிழமை வந்த அவா், செய்தியாளா்களிடம் கூறியதாவது: தமிழகத்தில் விரைவில் நடைபெறவுள்ள சட்டப் பேரவைத் தோ்தலில் நடிகா் விஜய் எந்தத் தாக்கத்தையும் ஏற்படுத்தமாட்டாா். தமிழக வெற்றிக் கழகம் ஓரிடத்தில் கூட வெற்றி பெறாது. கொள்கை, கோட்பாடுகள் இல்லாத கட்சி தவெக.

நடிகா் விஜய் மக்களை சந்திக்கும்போது கூட்டம் கூடுவதை வைத்து, அவரது வெற்றியை தீா்மானித்து விட முடியாது. மாற்று அரசியல் என்று கூறும் விஜய், ஏன் இலவச திட்டங்களை அறிவிக்கிறாா். அவா் தேசிய ஜனநாயகக் கூட்டணிக்கு வருவது போல் எனக்குத் தெரியவில்லை என்றாா்.