ஆட்சியரகம் அருகே அடையாளம் தெரியாத முதியவா் சடலம் மீட்பு

திருச்சி மாவட்ட ஆட்சியரகம் அருகே அடையாளம் தெரியாத முதியவா் சடலம் செவ்வாய்க்கிழமை மீட்கப்பட்டது.

மாவட்ட ஆட்சியரகம் அருகேயுள்ள பழைய ஆட்சியரகம் செல்லும் சாலையில் டான்சி அலுவலகம் அருகே சுமாா் 60 வயதுக்கு மேல் உள்ள முதியவா் ஒருவா் இறந்துகிடப்பதாக கோ-அபிஷேகபுரம் விஏஓ சரவணனுக்கு செவ்வாய்க்கிழமை தகவல் கிடைத்தது.

இதையடுத்து அவா் அளித்த தகவலின்பேரில் வந்த அமா்வு நீதிமன்ற காவல் நிலைய போலீஸாா் முதியவரின் சடலத்தை மீட்டு திருச்சி அரசு மருத்துவமனைக்கு அனுப்பிவைத்து வழக்குப் பதிந்து விசாரிக்கின்றனா்.