தீப்பெட்டித் தொழிற்சாலையில் திடீா் தீ விபத்து

குடியாத்தம் அருகே தீப்பெட்டித் தொழிற்சாலையில் திடீரென தீ விபத்து ஏற்பட்டது. தீயில் சிக்கிக் கொண்ட பெண் சுவரை உடைத்து உயிருடன் மீட்கப்பட்டாா்.

குடியாத்தம் அடுத்த காத்தாடிகுப்பம் பகுதியில் தனியாருக்குச் சொந்தமான தீப்பெட்டித் தொழிற்சாலை இயங்கி வருகிறது. செவ்வாய்க்கிழமை வழக்கம்போல் தொழிலாளா்கள் பணியில் ஈடுபட்டிருந்தபோது தொழிற்சாலையில் திடீரென தீ விபத்து ஏற்பட்டு, புகை மண்டலமாக மாறியது. அங்கு பணியில் இருந்த தொழிலாளா்கள் அலறியடித்துக் கொண்டு வெளியே ஓடி வந்தனா்.

பரிமளா என்ற பெண் தொழிலாளி மட்டும் உள்ளே சிக்கிக் கொண்டாா். உடனடியாக பொக்லைன் இயந்திரம் வரவழைக்கப்பட்டு பொதுமக்கள் உதவியுடன் தொழிற்சாலையின் சுவா் உடைக்கப்பட்டு, பரிமளா மீட்கப்பட்டாா். அவா் சிகிச்சைக்காக குடியாத்தம் அரசு மருத்துவமனைக்கு அனுப்பி வைக்கப்பட்டாா்.

தகவல் அறிந்து வந்த குடியாத்தம் தீயணைப்புத் துறையினா் சுமாா் 1 மணி நேரம் போராடி தீயை கட்டுக்குள் கொண்டு வந்தனா். இந்த விபத்து குறித்து தீயணைப்பு துறையினா் மற்றும் குடியாத்தம் போலீஸாா் விசாரணை மேற்கொண்டுள்ளனா்.