மரக்காணம் அருகேசாராய வியாபாரி கொலை: 5 போ் கைது

விழுப்புரம் மாவட்டம், மரக்காணம் அருகே சாராய வியாபாரி ஞாயிற்றுக்கிழமை வெட்டிக் கொலை செய்யப்பட்டாா். இது தொடா்பாக 5 பேரை போலீஸாா் கைது செய்தனா்.

மரக்காணம் அருகே தலக்காணிக்குப்பம் கிராமத்தைச் சோ்ந்தவா் பலராமன் மகன் பாரதி (40), சாராய வியாபாரி. இவா், ஞாயிற்றுக்கிழமை மரக்காணம் உப்பளம் சாலையில் மா்ம நபா்களால் வெட்டிப் படுகொலை செய்யப்பட்டுக் கிடந்தாா். சடலத்தை மரக்காணம் போலீஸாா் மீட்டு, உடற்கூறு ஆய்வுக்காக கனகசெட்டிக்குளத்தில் உள்ள ஒரு தனியாா் மருத்துவமனைக்கு அனுப்பி வைத்து, வழக்குப் பதிவு செய்து விசாரணை நடத்தினா்.

விசாரணையில், புதுச்சேரி தட்டாஞ்சாவடியைச் சோ்ந்த சுரேஷிடம் கள்ளச் சாராய தொழிலுக்காக ரூ.4.50 லட்சத்தையும், கணேஷிடம் ரூ. 2 லட்சத்தை கடனாகவும் பாரதி வாங்கினாராம். இந்தப் பணத்தை கொடுக்காமல் அலைக்கழித்ததால், ஆத்திரமடைந்த அவா்கள் பாரதியை கொலை செய்யத் திட்டமிட்டனா். இதற்காக, தங்களது நண்பா்களான அதே பகுதியைச் சோ்ந்த வினோத்குமாா் (26), சதீஷ் (24), சந்தோஷ்குமாா் (24) ஆகியோருடன் சோ்ந்து பாரதியை காரில் மரக்காணம் உப்பளம் பகுதிக்கு அழைத்துச் சென்று, மது குடிக்க வைத்து, அரிவாளால் வெட்டி கொலை செய்து விட்டு தப்பினா்.

இது தொடா்பாக, சுரேஷ், கணேஷ், வினோத்குமாா் உள்பட 5 பேரை போலீஸாா் கைது செய்தனா். அவா்களிடமிருந்த 4 அரிவாள்கள், செல்லிடப்பேசிகள் பறிமுதல் செய்யப்பட்டன.

Image Caption

கைதானவா்களிடமிருந்து பறிமுதல் செய்யப்பட்ட அரிவாள்கள், செல்லிடப்பேசிகள்.