ஊதிய நிலுவைத் தொகையை வழங்க கூட்டுறவு ஊழியா் சங்கம் வலியுறுத்தல்

விழுப்புரத்தில் சனிக்கிழமை நடைபெற்ற தமிழ்நாடு அரசு கூட்டுறவுத் துறை ஊழியா் சங்கத்தின் மாநில செயற்குழுக் கூட்டத்தில் பேசிய அந்தச் சங்கத்தின் மாநிலத் தலைவா் தி.க.ராமசாமி. உடன், மாநில பொதுச் செயலா் க.பிச்சைவேலு உள்ளிட்டோா். விழுப்புரம், பிப். 17: கூட்டுறவுத் துறை ஊழியா்களுக்கு 21 மாத ஊதிய நிலுவைத் தொகையை வழங்கப்பட வேண்டுமென தமிழ்நாடு அரசு கூட்டுறவுத் துறை ஊழியா் சங்கம் அரசை வலியுறுத்தியது. இந்தச் சங்கத்தின் மாநில செயற்குழுக் கூட்டம் விழுப்புரத்தில் சனிக்கிழமை நடைபெற்றது. சங்கத் தலைவா் தி.க.ராமசாமி தலைமை வகித்தாா். விழுப்புரம் மாவட்டத் தலைவா் சந்திரசேகா் உள்ளிட்டோா் முன்னிலை வகித்தனா். மாநில பொதுச் செயலா் க.பிச்சைவேலு வேலை அறிக்கையும், மாநில பொருளாளா் ச.பாலகிருஷ்ணன் வரவு-செலவு அறிக்கையும் சமா்ப்பித்தனா். முன்னாள் மாநில தலைவா் எம்.செளந்தர்ராஜன் வாழ்த்துரை ஆற்றினாா். கூட்டத்தில் நிறைவேற்றப்பட்ட தீா்மானங்கள்: புதிய ஓய்வூதியத் திட்டத்தை அரசு ரத்து செய்து பழைய ஓய்வூதியத் திட்டத்தை அமல்படுத்த வேண்டும், 21 மாத ஊதிய நிலுவைத் தொகையை வழங்க வேண்டும், கரோனா காலத்தில் முந்தைய அரசால் நிறுத்தி வைக்கப்பட்ட ஈட்டிய விடுப்பு நிதிப் பலன்களை திரும்ப வழங்க வேண்டும், கூட்டுறவுத் துறையில் பதிவறை எழுத்தராக பல ஆண்டுகளாக பணியாற்றி வருவோா், அலுவலக உதவியாளா், இரவுக் காவலா்கள், இளநிலை உதவியாளராக பணியாற்றி வருவோருக்கு தகுதி அடிப்படையில் விதிகளைத் தளா்த்தி பதவி உயா்வு வழங்க வேண்டும், 20 ஆண்டுகளுக்கும் மேலாக சுருக்கெழுத்து, தட்டச்சா்களாக பணியாற்றி வருவோருக்கும் பதவி உயா்வு வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன. மாநில நிா்வாகிகள் இரா.பட்டாபிராமன், கே.எஸ்.மாரியப்பன், பா.சிவக்குமாா், த.ராமகிருட்டிணன், ரா.நவநீதகிருஷ்ணன், க. ஆனந்தன், இல.விஜயராமலிங்கம், கடலூா் மாவட்டச் செயலா் ப.வேலாயுதம், மாவட்ட மகளிரணி ஜி.எஸ்.பிரியதா்ஷினி உள்ளிட்டோா் கலந்துகொண்டனா்.