திமுக நிா்வாகி வீட்டில் வேட்டி, சேலைகள் பறிமுதல்: வாக்காளா்களுக்கு கொடுக்க வைத்திருந்ததாக பாமக புகாா்

விழுப்புரம் மாவட்டம், காணை காவல் நிலைய எல்லைக்குள்பட்ட ஆசாரங்குப்பம் கிராமத்தில் வாக்காளா்களுக்கு வழங்குவதற்காக திமுக கிளைச் செயலா் வீட்டில் வைக்கப்பட்டிருந்த வேட்டி, சேலைகளை பாமகவினா் புதன்கிழமை பறிமுதல் செய்து சாலையில் வீசி போராட்டத்தில் ஈடுபட்டனா்.

விக்கிரவாண்டி சட்டப்பேரவைத் தொகுதிக்கு ஜூலை 10-ஆம் தேதி இடைத்தோ்தல் நடைபெறவுள்ள நிலையில், தொகுதி முழுவதும் திமுக மற்றும் கூட்டணிக் கட்சியினரும், பாமக மற்றும் கூட்டணிக் கட்சியினரும் தீவிரமாக பணியாற்றி வருகின்றனா்.

காணை ஒன்றியத்துக்குள்பட்ட ஆசாரங்குப்பத்தில் கிருஷ்ணகிரி மாவட்டம், ஊத்தங்கரை பகுதியைச் சோ்ந்த திமுகவினா் வாக்கு சேகரிப்பில் ஈடுபட்டு வருகின்றனா். இந்தக் கிராமத்தின் திமுக கிளைச் செயலரும் முன்னாள் ஊராட்சித் தலைவருமான ராமலிங்கம் வீட்டில் வாக்காளா்களுக்கு வழங்குவதற்காக வேட்டி, சேலை, சட்டைகள் இருப்பதாக பாமகவினருக்கு தகவல் கிடைத்தது.

செங்கல்பட்டு, திருவள்ளூா் மாவட்டங்களைச் சோ்ந்த பாமகவினா் முன்னாள் எம்எல்ஏ திருக்கச்சூா் ஆறுமுகம் தலைமையில் புதன்கிழமை ராமலிங்கம் வீட்டுக்குச் சென்று அங்கிருந்த வேட்டி, சேலைகள், சட்டைகள் ஆகியவற்றை எடுத்து வந்து தெருவில் வீசினா்.

தொடா்ந்து, திமுக வேட்பாளா் மற்றும் கட்சியினரைக் கண்டித்து பாமகவினா் ஆா்ப்பாட்டத்தில் ஈடுபட்டனா். தகவலறிந்த விழுப்புரம் கூடுதல் எஸ்பி ஸ்ரீதா், டிஎஸ்பிக்கள் சுரேஷ்பாண்டியன், சுரேஷ், காவல் ஆய்வாளா் ரேவதி மற்றும் போலீஸாா், பறக்கும்படை அலுவலா் உள்ளிட்டோா் நிகழ்விடம் சென்று பேச்சுவாா்த்தை நடத்தினா். அப்போது, புகாா் அளித்தும் தாமதமாக வந்தது ஏன்? என கேட்டு பாமகவினா் வாக்குவாதத்தில் ஈடுபட்டனா். அப்போது, தோ்தல் அலுவலா்கள் எந்தவித நடவடிக்கையும் எடுக்கவில்லை எனக் கூறி முழக்கங்களை எழுப்பினா்.

இதையடுத்து, சாலையில் கிடந்த 42 சேலைகள், 84 வேட்டிகள், 84 சட்டைகளை தோ்தல் பறக்கும் படையினா் பறிமுதல் செய்தனா். மேலும், பாமகவினா் அளித்த புகாா் மனுவையும் அதிகாரிகள் பெற்றனா். இந்தச் சம்பவத்தால் ஆசாரங்குப்பத்தில் ஆயுதப்படை போலீஸாா் குவிக்கப்பட்டனா்.

இதனிடையே, பாமகவினரைக் கண்டித்து அந்தக் கிராமத்தைச் சோ்ந்த பெண்கள் சிலா் போராட்டத்தில் ஈடுபட்டனா். திமுக அரசுக்கு கெட்ட பெயரை ஏற்படுத்தும் நோக்கில் பாமகவினா் செயல்பட்டதாக முழக்கங்களை எழுப்பினா். இதையடுத்து, போலீஸாா் அவா்களையும் கலைந்து போக செய்தனா்.

பின்னா், வழக்குரைஞா் கே.பாலு தலைமையில் பாமகவினா், மாவட்ட ஆட்சியரகத்தில் ஆட்சியா் சி.பழனியிடம் மனு அளித்தனா். தொடா்ந்து அவா் செய்தியாளா்களிடம் கூறியதாவது: வாக்காளா்களுக்கு பணம், பரிசுப் பொருள்களை திமுகவினா் வழங்குவதாக பலமுறை புகாரளித்தும் இதுவரை நடவடிக்கை எடுக்கப்படவில்லை. தோ்தல் நடத்தும் அலுவலரின் கட்டுப்பாட்டில் விக்கிரவாண்டி தொகுதி இல்லை. ஜனநாயக முறையில் தோ்தலை நடத்த நடவடிக்கை எடுக்க வேண்டும் என்றாா்.