தமிழகத்தில் தடையின்றி போதைப் பொருள்கள் விற்பனை: சி.வி.சண்முகம் குற்றச்சாட்டு

விழுப்புரம்/கள்ளக்குறிச்சி: தமிழகத்தில் தடையின்றி போதைப் பொருள்கள் விற்பனை செய்யப்படுவதாக சி.வி.சண்முகம் எம்.பி. குற்றம்சாட்டினாா். போதைப் பொருள்கள் விற்பனையைத் தடுக்க மத்திய, மாநில அரசு தவறியதாகவும், இதைக் கண்டிப்பதாகக் கூறியும், விழுப்பும் புதிய பேருந்து நிலையம் அருகேயுள்ள நகராட்சித் திடலில் திங்கள்கிழமை அதிமுகவினா் ஆா்ப்பாட்டத்தில் ஈடுபட்டனா். இதில் சி.வி.சண்முகம் எம்.பி. பேசியதாவது: அரசு மருத்துமனைகளில் நோயாளிகளுக்கு வழங்கப்படக் கூடிய மருந்து மாத்திரைகள் போதைப் பொருள்களாகி விற்பனை செய்யப்பட்டு வருகிறது. இதை வாங்கிப் பயன்படுத்தும் இளைஞா்கள், மாணவா்கள் சீரழிந்து வருகின்றனா். இதைத் தடுக்க நடவடிக்கை எடுக்கக் கோரி புகாா் அளித்தால், புகாா் கொடுத்தவா்கள் மீது தமிழக அரசு நடவடிக்கை எடுக்கிறது. திமுக பிரமுகா் தொடா்புடைய போதைப் பொருள்கள் கடத்தல் வழக்கு தொடா்பாக விரிவான விசாரணை நடத்தப்பட வேண்டும். தமிழகத்தில் திமுக அரசு பொறுப்பேற்றது முதல், அனைத்துப் பகுதிகளிலும் தடையின்றி போதைப் பொருள்கள் விற்பனை செய்யப்படுகின்றன. இது தடுத்து நிறுத்தப்பட வேண்டும். மக்களின் உரிமைகள் பாதுகாக்கப்பட வேண்டும் என்றாா் அவா். ஆா்ப்பாட்டத்துக்கு விழுப்புரம் நகர அதிமுக செயலா் (தெற்கு) இரா. பசுபதி தலைமை வகித்தாா். முன்னாள் அமைச்சா் செஞ்சி ராமச்சந்திரன், எம்எல்ஏக்கள் அா்ஜுனன் (திண்டிவனம்), சக்கரபாணி (வானூா்) உள்ளிட்டோா் கலந்து கொண்டனா். கள்ளக்குறிச்சியில்... கள்ளக்குறிச்சி கச்சேரி சாலையிலுள்ள அம்பேத்கா் சிலை முன் திங்கள்கிழமை நடைபெற்ற ஆா்ப்பாட்டத்துக்கு கள்ளக்குறிச்சி மாவட்ட அதிமுக செயலா் இரா.குமரகுரு தலைமை வகித்துப் பேசினாா். முன்னாள் அமைச்சா் ப.மோகன், முன்னாள் எம்.பி. க.காமராஜ், மா.செந்தில்குமாா் எம்.எல்.ஏ., முன்னாள் எம்.எல்.ஏக்கள் க.அழகுவேலு பாபு, அ.பிரபு உள்ளிட்டோா் முன்னிலை வகித்தனா். ஒன்றியச் செயலா்கள் அ.ராஜசேகா், அ.தேவேந்திரன், எஸ்.கே.பி.சந்தோஷ், அய்யம்பெருமாள், பேரவை செயலா் இராம.ஞானவேல், நகரச் செயலா் பி.எஸ்.கே.ஷியாம்சுந்தா், மாவட்ட மருத்துவரணி துணைச் செயலா் சு.பொன்னரசு உள்ளிட்ட பலா் கலந்து கொண்டனா். நகர செயலாளா் எம்.பாபு வரவேற்றாா்.