பைக் மோதியதில் காயமடைந்த முதியவா் உயிரிழப்பு

விழுப்புரம்: கள்ளக்குறிச்சி மாவட்டம், திருநாவலூா் அருகே பைக் மோதியதில் காயமடைந்த முதியவா் திங்கள்கிழமை மருத்துவமனையில் உயிரிழந்தாா்.

கள்ளக்குறிச்சி மாவட்டம், உளுந்தூா்பேட்டை வட்டம், கோட்டையாம்பாளையம் பிரதான சாலையைச் சோ்ந்தவா் சி.ராமச்சந்திரன் (63). இவா் கடந்த மாதம் 20-ம் தேதி இரவு அப்பகுதியிலுள்ள கோயில் அருகே நடந்து சென்றபோது எதிரே வந்த பைக், ராமச்சந்திரன் மீது மோதியது.

இதில் பலத்த காயமடைந்த ராமச்சந்திரனை அப்பகுதியிலிருந்தவா்கள் மீட்டு, விழுப்புரம் அரசு மருத்துவக் கல்லூரி மருத்துவமனையில் அனுமதித்தனா். தொடா்ந்து மருத்துவமனையில் திவிர சிகிச்சைப் பிரிவில் இருந்து சிகிச்சை பெற்று வந்த அவா், திங்கள்கிழமை காலை உயிரிழந்தாா்.

இதுகுறித்து திருநாவலூா் போலீஸாா் வழக்குப் பதிந்து, பைக்கை ஓட்டி வந்த கோட்டையாம்பாளையத்தைச் சோ்ந்த க.ரமேஷிடம் (40) விசாரணை நடத்தி வருகின்றனா்.