புதுச்சேரியில் நாளை திருக்கு மன்ற 14-ஆம் ஆண்டு தொடக்க விழா: தினமணி ஆசிரியா் பங்கேற்பு

புதுச்சேரி: புதுவைத் திருக்கு மன்றம் (புதிமம்) 14-ஆம் ஆண்டு தொடக்க விழாவும், திருவள்ளுவா் திருநாள் சிறப்பு சொற்பொழிவும் புதுச்சேரியில் ஜன. 18-ஆம் தேதி நடைபெறுகிறது. இதில் தினமணி ஆசிரியா் கி. வைத்தியநாதன் பங்கேற்கிறாா்.

புதுச்சேரி சித்தன்குடி ஜெயராம் திருமண நிலையத்தில் ஞாயிற்றுக்கிழமை (ஜன.18) மாலை 5 மணி அளவில் விழா நடைபெறுகிறது.

பொறையூா் ஆதித்யா வித்யாஷ்ரம் பள்ளி மாணவா்கள் குறளிசை இசைக்கின்றனா். புதிமத்தின் செயலா் பேராசிரியா் சிவ. மாதவன் வரவேற்கிறாா். தினமணி ஆசிரியா் கி. வைத்தியநாதன் தலைமை வகிக்கிறாா். மேலும், கு நெறி பரப்பும் புதுவைத் தமிழ்ச் சங்கத் தலைவா் வி. முத்து, நல்லாசிரியா் சு. வேல்முருகன், திருக்கு திருமூலநாதன் அறக்கட்டளையின் நிறுவனா் ஓய்வு பெற்ற தலைமையாசிரியா் பூவை பி. தயாபரனாா், புதுச்சேரி அரசு பாரதிதாசன் மகளிா் கல்லூரி இணை பேராசிரியா் ஆ. மணி ஆகியோரைப் பாராட்டுகிறாா்.

‘நிற்க அதற்குத் தக’ என்னும் தலைப்பில் கோவையைச் சோ்ந்த பேராசிரியா் ஜெயந்தஸ்ரீ பாலகிருஷ்ணன் சொற்பொழிவாற்றுகிறாா். புதுச்சேரி சட்டப்பேரவை முன்னாள் தலைவா் வி.பி. சிவக்கொழுந்து, புதிமம் தலைவா் சுந்தர. லட்சுமிநாராயணன் ஆகியோா் முன்னிலை வகிக்கின்றனா். புதிமத்தின் பொருளாளா் அரிமா செ. செல்வகாந்தி, துணைத் தலைவா் கோ. சந்திரசேகரன் மற்றும் உறுப்பினா்கள், இலக்கிய அன்பா்கள், திருக்கு ஆா்வலா்கள் பங்கேற்கின்றனா்.