ராஜா சர் முத்தையா செட்டியார் பிறந்த நாள் விழா 

சிதம்பரம் அண்ணாமலைப் பல்கலைக்கழக இரண்டாம் நிறுவனர் ராஜா சர் முத்தையா செட்டியார் பிறந்த நாள் விழா பல்கலைக்கழகத்தில் ஞாயிற்றுக்கிழமை நடைபெற்றது.
 அண்ணாமலைப் பல்கலைக்கழக ராஜா முத்தையா மருத்துவக் கல்லூரியின் முன் உள்ள அவரது சிலைக்கு துணைவேந்தர் வே.முருகேசன், தேர்வுக் கட்டுப்பாட்டு அதிகாரி ராம.சந்திரசேகரன், புல முதல்வர்கள், துறைத் தலைவர்கள், பல்கலைக்கழக அதிகாரிகள், பேராசிரியர்கள், ஊழியர்கள் மற்றும் மாணவ, மாணவிகள் மாலை அணிவித்து மரியாதை செலுத்தினர். பின்னர், பல்கலைக்கழக விருந்தினர் மாளிகையில் உள்ள ராஜா சர் முத்தையா செட்டியார் நினைவிடத்தில் மலர் தூவி மரியாதை செலுத்தினர்.