கட்டடத் தொழிலாளர்கள் சங்கக் கூட்டம்

தமிழ்நாடு ஏஐடியுசி கட்டடத் தொழிலாளர்கள்  சங்கத்தின் கடலூர் மாவட்ட குழுக் கூட்டம், பண்ருட்டியில் அண்மையில் நடைபெற்றது.
 கூட்டத்துக்கு, சங்கத்தின் மாவட்டத் தலைவர் சி.வீரப்பன் தலைமை வகித்தார். மாவட்டச் செயலர் டி.கே.பன்னீர்செல்வம் பங்கேற்று மாநிலக் குழு முடிவுகள் குறித்து பேசினார். மாவட்ட துணைச் செயலர் கே.வைத்திலிங்கம், துணைத் தலைவர் கே.பன்னீர்செல்வம், பொருளாளர் பி.கலியபெருமாள், மாவட்டக்குழு வி.இளையராஜா உள்ளிட்டோர் கலந்து கொண்டனர்.
போராட்டம் நடத்த முடிவு: கூட்டத்தில், மாவட்டத்தில் ஏற்பட்டுள்ள மணல் தட்டுப்பாட்டால் கட்டட தொழிலாளர்கள் வேலையின்றி தவித்து வருவதால், மாவட்ட நிர்வாகம் விரைந்து தீர்வு காணக் கோரி சங்கம் சார்பில் வருகிற 25-ஆம் தேதி புவனகிரி, 26-ஆம் தேதி பண்ருட்டி, 27-ஆம் தேதி ஸ்ரீமுஷ்ணத்தில் உள்ள வட்டாட்சியர் அலுவலகங்களை முற்றுகையிட்டு ஆர்ப்பாட்டம் நடத்துவது என சங்கத்தினர் முடிவு செய்தனர்.