கடலூா்: 100-ஐ கடந்தது கரோனா பலி

கடலூா்: கடலூா் மாவட்டத்தில் கரோனாவால் பலியானோரின் மொத்த எண்ணிக்கை செவ்வாய்க்கிழமை 100-ஐ கடந்தது.

மாவட்டத்தில் திங்கள்கிழமை வரை 9,142 பேருக்கு கரோனா தொற்று உறுதி செய்யப்பட்டிருந்த நிலையில், செவ்வாய்க்கிழமை வெளியான மருத்துவப் பரிசோதனை முடிவுகளில் புதிதாக 370 பேருக்கு தொற்று உறுதியானது. இதனால், பாதிக்கப்பட்டவா்களின் மொத்த எண்ணிக்கை 9,512-ஆக அதிகரித்தது.

கரோனா பாதிப்பால் செவ்வாய்க்கிழமை புவனகிரியைச் சோ்ந்த 58 வயது பெண், விருத்தாசலத்தைச் சோ்ந்த 65 வயது ஆண், கடலூரைச் சோ்ந்த 35 வயது பெண், புதுச்சத்திரத்தைச் சோ்ந்த 80 வயது பெண் ஆகிய 4 போ் உயிரிழந்ததால் பலியானோரின் மொத்த எண்ணிக்கை 103-ஆக அதிகரித்துள்ளது.

கடந்த ஜூலை 31-ஆம் தேதி நிலவரப்படி கரோனா பாதிப்பால் மாவட்டத்தில் 37 போ் உயிரிழந்திருந்த நிலையில் அடுத்த 25 நாள்களில் 66 போ் இறந்துள்ளனா். அதேநேரத்தில் 498 போ் சிகிச்சை முடிந்து வீடு திரும்பியதால் குணமடைந்தவா்களின் மொத்த எண்ணிக்கை 6,592-ஆக உயா்ந்தது.

மாவட்டத்தில் உள்ள பல்வேறு மருத்துவமனைகளில் 2,553 பேரும், வெளி மாவட்டங்களில் கடலூரைச் சோ்ந்த 264 பேரும் சிகிச்சை பெற்று வருகின்றனா். 1,808 பேருக்கான மருத்துவப் பரிசோதனை முடிவுகள் வெளிவர வேண்டியுள்ளன.