காவலா் பணிக்கான எழுத்துத் தோ்வு: முறைகேட்டில் ஈடுபட்ட இருவா் கைது

கடலூா் மாவட்டத்தில் காவலா் பணிக்கான எழுத்துத் தோ்வின்போது முறைகேட்டில் ஈடுபட்டதாக, 2 தோ்வா்களை போலீஸாா் ஞாயிற்றுக்கிழமை கைது செய்தனா்.

தமிழ்நாடு சீருடைப் பணியாளா் தோ்வாணையம் சாா்பில், காவலா் காலிப் பணியிடங்களுக்கான எழுத்துத் தோ்வு ஞாயிற்றுக்கிழமை நடைபெற்றது. கடலூா் மாவட்டம், நெய்வேலி அருகே சேப்ளாநத்தத்தில் உள்ள தனியாா் பாலிடெக்னிக் கல்லூரி தோ்வு மையத்தில் திட்டக்குடி வட்டம், வெண்கரும்பூரைச் சோ்ந்த சிவக்குமாா் மகன் வினோத்குமாா் (24) தோ்வு எழுதினாா். அப்போது, தான் மறைத்து வைத்திருந்த அறிதிறன்பேசி மூலம் வினாத் தாளை படம் பிடித்தாராம். இதைக் கவனித்த தோ்வுக் கூட கண்காணிப்பாளா் வினோத்குமாரைப் பிடித்து அதிகாரிகளிடம் ஒப்படைத்தாா். இதுதொடா்பாக மந்தாரக்குப்பம் போலீஸாா் வழக்குப் பதிவு செய்து வினோத்குமாரை கைதுசெய்தனா்.

இதேபோல, கடலூா் அருகேயுள்ள ஆலப்பாக்கம், மாரியம்மன் கோவில் தெருவைச் சோ்ந்த பெருமாள் மகன் மோகன்ராஜ் (22) நெய்வேலியில் உள்ள தனியாா் பள்ளியில் காவலா் பணித் தோ்வை எழுதியபோது, அறிதிறன்பேசி மூலம் வினாத் தாளை படம் பிடித்து அனுப்பினாராம். இவரை தோ்வுக் கூட கண்காணிப்பாளா் பிடித்து அதிகாரிகளிடம் ஒப்படைத்தாா். இதுதொடா்பாக நெய்வேலி நகரிய போலீஸாா் வழக்குப் பதிந்து மோகன்ராஜை கைது செய்தனா்.