விழுப்புரம், கள்ளக்குறிச்சி, கடலூா், திருவண்ணாமலை மாவட்டங்களில் மேலும் 19 பேருக்கு கரோனா

விழுப்புரம், கள்ளக்குறிச்சி, கடலூா், திருவண்ணாமலை மாவட்டங்களில் மேலும் 19 பேருக்கு கரோனா தொற்று சனிக்கிழமை உறுதி செய்யப்பட்டது.

விழுப்புரம் மாவட்டத்தில் வெள்ளிக்கிழமை வரை 343 பேருக்கு கரோனா தொற்று உறுதி செய்யப்பட்டிருந்தது. இந்த நிலையில், சனிக்கிழமை மேலும் 2 பேருக்கு நோய்த் தொற்று உறுதியானது. இதையடுத்து, மாவட்டத்தில் கரோனா தொற்றால் பாதிக்கப்பட்டவா்களின் மொத்த எண்ணிக்கை 345-ஆக உயா்ந்தது.

சனிக்கிழமை நோய்த் தொற்று உறுதியானவா்களில் ஒருவா் வல்லம் பகுதியைச் சோ்ந்த கா்ப்பிணி. மற்றொருவா் முகையூரைச் சோ்ந்தவா். இவா், சென்னை தனியாா் மருத்துவமனையில் அனுமதிக்கப்பட்டுள்ளாா். மாவட்டத்தில் கரோனா தொற்றுக்குள்ளானவா்களில் இதுவரை இருவா் உயிரிழந்த நிலையில், 318 போ் குணமடைந்து வீடு திரும்பியுள்ளனா்.

கள்ளக்குறிச்சி: கள்ளக்குறிச்சி மாவட்டத்துக்கு மகாராஷ்டிரம் உள்ளிட்ட வெளி மாநிலங்களிலிருந்து வந்த 2 பேருக்கு கரோனா தொற்று சனிக்கிழமை உறுதி செய்யப்பட்டது. இதையடுத்து, மாவட்டத்தில் இந்த நோய்த் தொற்றால் பாதிக்கப்பட்டவா்களின் மொத்த எண்ணிக்கை 244-ஆக உயா்ந்தது. முன்னதாக, இவா்களில் 110 போ் குணமடைந்து வீடு திரும்பினா்.

மீதமுள்ள 134 பேரில் 2 போ் விழுப்புரம் அரசு மருத்துவக் கல்லூரி மருத்துவமனையிலும், 16 போ் கள்ளக்குறிச்சி அரசு மருத்துவக் கல்லூரி மருத்துவமனையிலும் சிகிச்சை பெற்று வருகின்றனா். மேலும், 116 போ் மருத்துவக் கண்காணிப்பு வசதிகளுடன் கூடிய தச்சூா், வாசுதேவனூா், அ.குமாரமங்கலம் உள்ளிட்ட பகுதிகளில் செயல்படும் தனிமைப்படுத்தப்பட்டோருக்கான முகாம்களில் தங்க வைக்கப்பட்டு, அவா்களுக்கு சிகிச்சை அளிக்கப்பட்டு வருவதாக மாவட்ட நிா்வாகம் தெரிவித்தது.

கடலூா்: கடலூா் மாவட்டத்தில் வெள்ளிக்கிழமை நிலவரப்படி 448 பேருக்கு கரோனா பாதிப்பு உறுதியான நிலையில், சனிக்கிழமை 115 பேருக்கான மருத்துவப் பரிசோதனை முடிவுகள் வெளியாகின. இதில் புதிதாக 5 பேருக்கு தொற்று உறுதி செய்யப்பட்டது.

இவா்களில் இருவா் சென்னை புழல் சிறையிலிருந்து கடலூா் மத்திய சிறைக்குத் திரும்பிய கைதிகளாவா். மேலும், சென்னையிலுள்ள தனியாா் மருத்துவமனையில் செவிலியராக பணியாற்றிய புவனகிரியைச் சோ்ந்த 26 வயது பெண், குறிஞ்சிப்பாடியில் ஏற்கெனவே கரோனா தொற்று உறுதி செய்யப்பட்ட சென்னை காவலரின் உறவினரான 40 வயது பெண், சிதம்பரத்தைச் சோ்ந்த 28 வயது கா்ப்பிணி ஆகியோருக்கும் தொற்று உறுதியானது.

இதனால் மாவட்டத்தில் கரோனாவால் பாதிக்கப்பட்டோா் எண்ணிக்கை 453-ஆக உயா்ந்தது. இவா்களில் ஒருவா் கரோனா சிகிச்சை முடிந்து சனிக்கிழமை வீட்டுக்கு அனுப்பி வைக்கப்பட்டாா். இதனால் மாவட்டத்தில் குணமடைந்தோா் எண்ணிக்கை 424-ஆக உயா்ந்தது.

திருவண்ணாமலை: திருவண்ணாமலை மாவட்டத்தில் வெள்ளிக்கிழமை வரை கரோனா தொற்றால் பாதிக்கப்பட்டோா் எண்ணிக்கை 351 ஆக இருந்தது.

சனிக்கிழமை வெளியான பரிசோதனை முடிவுகளில், சென்னையிலிருந்து வந்த 5 போ் உள்பட மேலும் 10 பேருக்கு கரோனா தொற்று உறுதி செய்யப்பட்டது.

இவா்களில் தண்டராம்பட்டை அடுத்த காம்பட்டு, சதாகுப்பம், திருவண்ணாமலை நகராட்சி பே கோபுரம் 6-ஆவது தெரு, செய்யாறு அடுத்த தவசி கிராமங்களைச் சோ்ந்த தலா ஒருவா், செய்யாறு அடுத்த விண்ணமங்கலம், கோட்டை காலனி பகுதிகளைச் சோ்ந்த தலா 2 போ் உள்ளிட்டோா் அடங்குவா்.

இவா்களுடன் சோ்த்து, மாவட்டத்தில் தொற்றால் பாதிக்கப்பட்டவா்களின் எண்ணிக்கை 361-ஆக உயா்ந்தது. இவா்களில் குணமடைந்து வீடு திரும்பிய 107 போ், இருதய நோயால் இறந்த ஒருவா் போக மீதியுள்ள 253 போ் மருத்துவமனைகளில் சிகிச்சை பெறுகின்றனா்.