தங்கம் விலை சவரனுக்கு ரூ. 1,600 உயர்வு! வெள்ளி கிலோ ரூ. 10,000 உயர்ந்தது!பனையூரில் தவெக வேட்பாளர்களுடன் விஜய் சந்திப்பு!புதுச்சேரி சிறுமி பாலியல் கொலை வழக்கில் தீர்ப்பு! மே 1: ஞாயிறு அட்டவணைப்படி மெட்ரோ ரயில் இயக்கம்!
/

திட்டக்குடியில் திருமாவளவன் திடீா் பிரசாரம்

திட்டக்குடியில் விசிக தலைவா் தொல்.திருமாவளவன் சனிக்கிழமை திடீா் பிரசாரத்தில் ஈடுபட்டாா்.

News image
Updated On :3 ஏப்ரல் 2021, 6:44 pm

திட்டக்குடியில் விசிக தலைவா் தொல்.திருமாவளவன் சனிக்கிழமை திடீா் பிரசாரத்தில் ஈடுபட்டாா்.

மதச்சாா்பற்ற முற்போக்குக் கூட்டணியில் திட்டக்குடி (தனி) தொகுதியில் திமுக வேட்பாளா் சி.வெ.கணேசன் போட்டியிடுகிறாா். அவரை ஆதரித்து வெள்ளிக்கிழமை கழுதூரில் தொல்.திருமாவளவன் பிரசாரம் செய்தாா். அந்தத் தொகுதியின் முக்கியப் பகுதியான திட்டக்குடிக்கு திருமாவளவன் வரவில்லையென்ற வருத்தம் கட்சியினரிடம் இருந்தது.

இதையடுத்து, சனிக்கிழமை திட்டக்குடி வழியாகச் சென்ற தொல்.திருமாவளவனை அவரது கட்சியினா் அந்தப் பகுதியில் பிரசாரம் செய்ய வேண்டுமென வலியுறுத்தினா். இதையேற்று வேட்பாளரை வரவழைத்து திறந்த வாகனத்தில் நின்றவாறே பேருந்து நிலையம் அருகே தொல்.திருமாவளவன் பரப்புரையில் ஈடுபட்டாா்.

அப்போது, அவா் பேசுகையில், மு.க.ஸ்டாலின் முதல்வராக வேண்டியது காலத்தின் கட்டாயம். தற்போதுள்ள அதிமுக, எம்.ஜி.ஆா்., ஜெயலலிதா காலத்து அதிமுக அல்ல. மோடியின் அதிமுக. அந்தக் கூட்டணிக்கு வாக்களிப்பது தமிழகத்தில் பாஜகவை வலிமைப்படுத்த ஏதுவாக அமையும். அவ்வாறு வலிமை பெற்றால் தமிழை அழித்துவிடுவாா்கள். மக்களின் அடிப்படை உரிமைகளுக்காக பாஜக என்றும் போராடியது இல்லை என்றாா் அவா்.

பிரசாரத்தின் போது, திமுக ஒன்றியச் செயலா் பட்டூா்அமிா்தலிங்கம், நகரச் செயலா் பரமகுரு, மமக மாவட்ட துணைச் செயலா் சாகுல் அமீது, விசிக முன்னாள் மாவட்டச் செயலா் தயா.தமிழன்பன், திட்டக்குடி தொகுதி துணைச் செயலா் வேந்தன் உள்ளிட்டோா் உடனிருந்தனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.