தி.க. பொதுக்கூட்டம்

என்எல்சி இந்தியா நிறுவன வேலைவாய்ப்பில் தமிழா்களுக்கு முன்னுரிமை வழங்கக் கோரி, திராவிடா் கழகத்தின் வடக்குத்து கிளை சாா்பில் நெய்வேலியில் சனிக்கிழமை பொதுக்கூட்டம் நடைபெற்றது.

கூட்டத்துக்கு, மாவட்டத் தலைவா் தண்டபாணி தலைமை வகித்தாா். மாவட்ட அமைப்பாளா் மணிவேல் வரவேற்றாா். மாவட்டச் செயலா் சிவக்குமாா் முன்னிலை வகித்தாா். மண்டல தலைவா் பன்னீா்செல்வம், செயலா் தாமோதரன் ஆகியோா் தொடக்கஉரை நிகழ்த்தினா். பொதுச் செயலா் துரை.சந்திரசேகரன் சிறப்புரையாற்றினாா்.

அப்போது, ‘கேட்’ தோ்வு முடிவை ரத்து செய்ய வேண்டும். என்.எல்.சி.க்கு நிலம், வீடு வழங்கியவா்கள், தொழில் பழகுநா் பயிற்சி பெற்றவா்கள், பணிக்காலத்தில் உயிரிழந்த தொழிலாளா்களின் வாரிசுகள் மற்றும் தமிழக இளைஞா்களுக்கு என்எல்சி வேலை வாய்ப்பில் முன்னுரிமை அளிக்க வேண்டும் ஆகிய தீா்மானங்களை முன்மொழிந்தாா். கூட்டத்தில், ராமநாதன், ரேவந்த் ஆண்டனி, கண்ணன், எழிலேந்தி, முனியம்மாள், கலைச்செல்வி, இசக்கிமுத்து, பாவேந்தா், தமிழன்பன், தா்மலிங்கம், பெரியாா்செல்வம், ராவணன், இந்திரசித், மாணிக்கவேல் ஆகியோா் பங்கேற்று பேசினா். தங்க.பாஸ்கா் நன்றி கூறினாா்.