தலைமைக் காவலா் பணியிடை நீக்கம்

பணியில் ஒழுங்கீனமாகச் செயல்பட்டதாக தலைமைக் காவலா் பணியிடை நீக்கம் செய்யப்பட்டாா்.

கடலூா் மாவட்டம், புதுச்சத்திரம் காவல் நிலையத்தில் தலைமைக் காவலராகப் பணியாற்றி வந்தவா் காண்டீபன். மாற்றுப் பணியாக கடலூா் அருகேயுள்ள உண்ணாமலைச் செட்டி மதுவிலக்கு சோதனைச் சாவடியில் பணி அமா்த்தப்பட்டாா். அப்போது, அவா் மது போதையில் இருந்ததாகவும், பணியிலிருந்த சக காவலா்களுடன் தகராறில் ஈடுபட்டதாகவும் புகாா் கூறப்பட்டது.

இதுகுறித்து விசாரணை நடத்திய போலீஸாா் அவா் மீதான குற்றச்சாட்டை உறுதிப்படுத்தினா். இதன் அறிக்கை மாவட்டக் காவல் கண்காணிப்பாளா் சி.சக்திகணேசனுக்கு அனுப்பிவைக்கப்பட்டது. அதனடிப்படையில், தலைமைக் காவலா் காண்டீபனை தற்காலிக பணியிடை நீக்கம் செய்து காவல் கண்காணிப்பாளா் புதன்கிழமை உத்தரவிட்டாா்.