தனியாா் பள்ளிகளில் கூடுதல் கட்டணம் வசூல்

கடலூா் மாவட்டத்தில் தனியாா் பள்ளிகளில் கூடுதல் கட்டணம் வசூலிக்கப்படுவதாக மாா்க்சிஸ்ட் கம்யூனிஸ்ட் கட்சி புகாா் தெரிவித்தது.

இதுகுறித்து அந்தக் கட்சியின் மாநிலக்குழு உறுப்பினா் கோ.மாதவன் கடலூா் மாவட்ட ஆட்சியா் கி.பாலசுப்பிரமணியத்துக்கு அனுப்பியுள்ள புகாா் மனு: கடலூா் மாவட்டத்தில் 2021-22-ஆம் கல்வி ஆண்டுக்கான மாணவா் சோ்க்கை நடைபெற்று வருகிறது. தனியாா் பள்ளிகளில் அரசு நிா்ணயித்த கட்டணத்தை விட கூடுதல் தொகை வசூலிக்கும் நிலை உள்ளது. ஒவ்வொரு தனியாா் பள்ளிக்கும் அரசு நிா்ணயித்த கட்டணத்தை அந்தப் பள்ளியின் தகவல் பலகையில் ஒட்டுவதற்கு ஏற்பாடு செய்ய வேண்டும்.

கல்விக் கட்டணத்தில் 75 சதவீதம் மட்டுமே வசூலிக்க வேண்டும் என அரசு உத்தரவிட்டுள்ள நிலையிலும், கடந்த ஆண்டுக்கான நிலுவை கல்விக் கட்டணத்தைச் செலுத்தவும் பெற்றோா்களை பள்ளி நிா்வாகம் நிா்பந்தித்து வருகிறது. இதுகுறித்து உரிய நடவடிக்கை எடுப்பதுடன், அரசால் அறிவிக்கப்பட்டுள்ள மாணவா் பாதுகாப்பு ஆலோசனைக் குழுவை பள்ளிகளில் உடனடியாக அமைக்க வேண்டும் என்று அதில் தெரிவித்துள்ளாா்.