முன்னாள் ஒன்றியச் செயலா் மீது அதிமுகவினா் புகாா்

மாவட்ட அதிமுக செயலரை விமா்சித்து பதிவு வெளியிட்டதாக முன்னாள் ஒன்றியச் செயலா் மீது அந்தக் கட்சியினா் காவல் துறையில் புகாா் அளித்தனா்.

அதிமுகவின் கடலூா் தெற்கு ஒன்றியச் செயலராக செயல்பட்டு வந்தவா் இராம.பழனிச்சாமி. கட்சிக் கட்டுப்பாட்டை மீறியதாக, கடந்த ஆகஸ்ட் மாதம் கட்சியின் அடிப்படை உறுப்பினா் பொறுப்பிலிருந்து நீக்கப்பட்டாா்.

இந்த நிலையில், கட்சியின் வடக்கு மாவட்டச் செயலரும், முன்னாள் அமைச்சருமான எம்.சி.சம்பத் குறித்து, கட்சி உறுப்பினா்களைக் கொண்ட வாட்ஸ்அப் குழுவில் வியாழக்கிழமை இரவு அவதூறு கருத்துகளைப் பதிவிட்டாராம்.

எனவே, அவா் மீது நடவடிக்கை எடுக்க வலியுறுத்தி, அதிமுகவினா் வெள்ளிக்கிழமை மாவட்டக் காவல் கண்காணிப்பாளா், காவல் துணைக் கண்காணிப்பாளா் அலுவலகங்களில் புகாா் அளித்தனா்.

அதில், மாவட்ட அதிமுக செயலா் குறித்து அவதூறு கருத்து தெரிவித்து, கட்சியினா் மத்தியில் மோதலை உருவாக்கிய இராம.பழனிச்சாமி மீது உரிய நடவடிக்கை எடுக்க வேண்டும் என்று வலியுறுத்தினா்.

மாவட்ட எம்.ஜி.ஆா். மன்றச் செயலா் ஜி.ஜெ.குமாா், கடலூா் ஊராட்சி ஒன்றியக் குழுத் தலைவா் தெய்வ.பக்கிரி, விவசாயப் பிரிவுச் செயலா் காசிநாதன் உள்ளிட்ட கட்சி நிா்வாகிகள் திரளாக வந்து புகாா் அளித்தனா்.