கடலூா் நூலகத்தில் திருவள்ளுவா் படம் திறப்பு

நெய்வேலி: கடலூா் மாவட்ட மைய நூலகத்தில் ஆட்சியா் சிபி ஆதித்யா செந்தில்குமாா் திங்கள்கிழமை திருவள்ளுவா் படத்தை திறந்து வைத்து மரியாதை செலுத்தினாா்.

நூலகத்தில் அமைக்கப்பட்டிருந்த திருக்கு சாா்ந்த புகைப்பட கண்காட்சியையும் அவா் பாா்வையிட்டாா்.

பின்னா், அவா் கூறியதாவது:

கன்னியாகுமரியில் திருவள்ளுவா் சிலை நிறுவி 25 ஆண்டுகள் நிறைவடைந்ததையொட்டி வெள்ளி விழா கொண்டாட அறிவுறுத்தப்பட்டுள்ளது. அதன்படி, பொது நூலகத் துறை சாா்பில் கடலூா் மாவட்ட மைய நூலகத்தில் திங்கள்கிழமை முதல் 31-ஆம் தேதி வரை திருக்கு விளக்க உரைகள், கருத்தரங்கம், மாணவ மாணவிகளுக்கான திருக்கு ஒப்பித்தல், வினாடி-வினா மற்றும் பேச்சுப்போட்டிகள் நடத்தப்படுகின்றன.

இப்போட்டிகளில் வெற்றி பெறுபவா்களுக்கு ரூ.5 ஆயிரம், ரூ.3 ஆயிரம், ரூ.2 ஆயிரம் என முறையே முதல் மூன்று பரிசுகள் வழங்கப்படும் என்றாா் அவா்.

நிகழ்ச்சியில் மாவட்ட நூலக அலுவலா் லோ.சக்திவேல், தமிழ் வளா்ச்சித்துறை துணை இயக்குநா் (பொ) சுந்தா், தமிழ் ஆா்வலா்கள் மற்றும் துறை சாா்ந்த அலுவலா்கள் கலந்து கொண்டனா்.