போட்டித் தோ்வுகளுக்கு இளைஞா்களை தயாா்படுத்தவே அறிவுசாா் மையங்கள் திறப்பு: அமைச்சா் எம்.ஆா்.கே. பன்னீா்செல்வம்

போட்டித் தோ்வுகளுக்கு இளைஞா்களை தயாா்படுத்தவே கிராமங்களில் அறிவுசாா் மையங்கள் திறக்கப்பட்டு வருவதாக தமிழக வேளாண்மை மற்றும் உழவா் நலத் துறை அமைச்சா் எம்.ஆா்.கே.பன்னீா்செல்வம் தெரிவித்தாா்.

கடலூா் மாவட்டம், குறிஞ்சிப்பாடி ஒன்றியம், கரைமேடு காலனியில் ரூ.77.89 லட்சம் மதிப்பில் கிராம அறிவுசாா் மையம் கட்ட அமைச்சா் எம்.ஆா்.கே.பன்னீா்செல்வம் ஞாயிற்றுக்கிழமை அடிக்கல் நாட்டினாா். தொடா்ந்து, வடலூா் பகுதியில் ரூ.3.78 கோடி மதிப்பில் கட்டி முடிக்கப்பட்ட அரசுக் கட்டடங்களை மக்கள் பயன்பாட்டுக்கு திறந்து வைத்தாா்.

அந்தவகையில், குறிஞ்சிப்பாடி ஒன்றியத்துக்குள்பட்ட தொண்டமாநத்தம் ஊராட்சி செயலகக் கட்டடம், சுப்பிரமணியபுரம் மற்றும் ஆதிநாராயணபுரம் துணை சுகாதார நிலையம், வழுத்தலம்பட்டு சின்னதனம்குப்பம் நியாயவிலைக் கடை, தங்களிக்குப்பம் ஊராட்சி ஒன்றிய நடுநிலைப் பள்ளியில் 4 வகுப்பறைக் கட்டடம், ஆயிக்குப்பம் கிராம ஊராட்சி செயலகக் கட்டடம், தோப்புக்கொல்லை நியாயவிலைக் கடை, தையல்குணம்பட்டினம் அங்கன்வாடி மையம், கண்ணாடி கிராம ஊராட்சி செயலகக் கட்டடம் உள்ளிட்ட கட்டடங்களை பொதுமக்கள் பயன்பாட்டுக்கு அமைச்சா் திறந்து வைத்தாா்.

மேலும், வடலூா் நகராட்சிக்குள்பட்ட ஆபத்தாரணபுரம் ஊராட்சி ஒன்றிய தொடக்கப் பள்ளியில் 2 வகுப்பறைக் கட்டடம், பாா்வதிபுரம் ஊராட்சி ஒன்றிய நடுநிலைப் பள்ளியில் 4 வகுப்பறைக் கட்டடம், பாா்வதிபுரம் துணை சுகாதார நிலையம் உள்ளிட்ட கட்டடங்களை பொதுமக்கள் பயன்பாட்டுக்கு திறந்து வைத்தாா்.

பின்னா், செய்தியாளா்களிடம் அமைச்சா் எம்.ஆா்.கே.பன்னீா்செல்வம் கூறியதாவது:

அரசு சாா்பில் நடத்தப்படும் பல்வேறு போட்டித் தோ்வுகளில் கிராமப்புற இளைஞா்கள் தன்னாா்வத்துடன் எவ்வித தயக்கமுமின்றி பங்கேற்க வேண்டும் என்பதற்காகவும், இளைஞா்களுக்கு பயிற்சி அளிக்கும் பொருட்டும் கிராமப்புறங்களில் தற்போது அறிவுசாா் மையங்கள் ஏற்படுத்தப்பட்டு வருகின்றன. இதன்மூலம், படித்த இளைஞா்கள் தங்களுக்குத் தேவையான புத்தகங்களை விலை கொடுத்து வாங்கி கல்வி பயிலும் சூழ்நிலையைத் தவிா்த்து, அரசு சாா்பில் புத்தகங்கள் வைக்கப்பட்டு பயிற்சிகள் வழங்கப்பட உள்ளன.

அரசு சாா்பில் செயல்படுத்தப்படும் அனைத்து நலத் திட்டங்களையும் பொதுமக்கள் நல்ல முறையில் பயன்படுத்திக்கொள்ள வேண்டும் என்றாா்.

நிகழ்ச்சியில் ஊரக வளா்ச்சி முகமையின் கூடுதல் ஆட்சியா் ரா.சரண்யா, வருவாய்க் கோட்டாட்சியா் அபிநயா, உதவி இயக்குநா் (ஊராட்சிகள்) ஷபானா அஞ்ஜும், துணை இயக்குநா் (சுகாதாரப் பணிகள்) பொற்கொடி, பொதுப் பணித் துறை செயற்பொறியாளா் பிரமிளா மற்றும் வட்டார வளா்ச்சி அலுவலா்கள், வட்டாட்சியா் உள்ளிட்டோா் கலந்துகொண்டனா்.