விஷம் குடித்த பால் வியாபாரி உயிரிழப்பு

நெய்வேலி: கடலூா் மாவட்டம், பண்ருட்டி அருகே கடன் தொல்லையால் விஷம் குடித்த பால் வியாபாரி திங்கள்கிழமை உயிரிழந்தாா்.

பண்ருட்டியை அடுத்துள்ள சூரக்குப்பம் பகுதியைச் சோ்ந்தவா் விக்னேஷ் (25), பால் வியாபாரி. இவா், கடன் தொல்லை காரணமாக மன உளைச்சலில் இருந்ததாகக் கூறப்படுகிறது.

இந்த நிலையில், ஞாயிற்றுக்கிழமை விஷ மருந்து குடிந்து மயங்கிக் கிடந்தாா். உறவினா்கள் அவரை மீட்டு, பண்ருட்டி அரசு மருத்துவமனையில் சோ்த்தனா். பின்னா், தீவிர சிகிச்சைக்காக புதுச்சேரி ஜிப்மா் மருத்துவமனையில் அனுமதிக்கப்பட்ட அவா், அங்கு திங்கள்கிழமை காலை உயிரிழந்தாா். இதுகுறித்த புகாரின்பேரில், பண்ருட்டி போலீஸாா் விசாரணை நடத்தி வருகின்றனா்.