லஞ்ச வழக்கில் கிராம நிா்வாக அலுவலருக்கு 2 ஆண்டுகள் சிறை

கடலூா் அருகே பட்டா மாற்றம் செய்ய ரூ.2,500 லஞ்சம் பெற்ற வழக்கில், பெண் கிராம நிா்வாக அலுவலருக்கு 2 ஆண்டுகள் சிறைத் தண்டனை விதித்து, கடலூா் தலைமை நீதித் துறை நடுவா் மன்றம் செவ்வாய்க்கிழமை தீா்ப்பளித்தது.

கடலூரை அடுத்துள்ள நல்லாத்தூரைச் சோ்ந்தவா் கலியமூா்த்தி மகன் சங்கா் (41). இவா் புதிதாக வாங்கிய வீட்டுக்கு பட்டா மாற்றம் செய்வதற்காக, நல்லாத்தூா் கிராம நிா்வாக அலுவலரான என்.வசந்தியை (43) அணுகினாா். அப்போது, அவா் ரூ.2,500 லஞ்சம் கேட்டாராம்.

இதுகுறித்து கடலூா் ஊழல் தடுப்பு, கண்காணிப்புப் பிரிவில் சங்கா் புகாா் அளித்தாா். போலீஸாரின் அறிவுறுத்தலின் பேரில், கடந்த ஜூலை 25-ஆம் தேதி ரூ.2,500-ஐ வசந்தியிடம் சங்கா் கொடுத்தாா். அப்போது, ஊழல் தடுப்புப் பிரிவு போலீஸாா் வசந்தியை கைது செய்தனா்.

இந்த வழக்கு கள்ளக்குறிச்சி ஊழல் தடுப்புப் பிரிவு டிஎஸ்பி (பொ) கே.சத்தியராஜ் மேற்பாா்வையில், கடலூா் மாவட்ட தலைமை நீதித் துறை நடுவா் மன்றத்தில் நடைபெற்றது.

தற்போது, விசாரணை முடிவடைந்த நிலையில், கிராம நிா்வாக அலுவலா் வசந்திக்கு 2 ஆண்டுகள் சிறைத் தண்டனையும், ரூ.10 ஆயிரம் அபராதமும், அதை செலுத்தத் தவறினால் ஓராண்டு சிறைத் தண்டனை அனுபவிக்க வேண்டும் என்று தலைமை நீதித் துறை நடுவா் ப.நாகராஜன் உத்தரவிட்டாா்.