ஊதிய முரண்பாட்டை களைய வலியுறுத்தி கடலூரில் தூய்மைப் பணியாளா்கள் திடீா் வேலைநிறுத்தம்

கடலூா் மாநகராட்சியில் ஒப்பந்த தூய்மைப் பணியாளா்கள் ஊதிய முரண்பாட்டை களைய வலியுறுத்தி வியாழக்கிழமை திடீா் வேலைநிறுத்தப் போராட்டத்தில் ஈடுபட்டனா். இதனால், குப்பைகள் அகற்றப்படாமல் ஆங்காங்கே தேங்கிக் கிடந்தன.

கடலூா் மாநகராட்சியில் உள்ள 45 வாா்டு பகுதிகளிலும் சுமாா் 2 லட்சம் பொதுமக்கள் வசித்து வருகின்றனா். மாநகரப் பகுதியை தூய்மைப்படுத்தும் பணியில் நிரந்தர தூய்மைப் பணியாளா்கள் 150 போ், ஒப்பந்த தூய்மைப் பணியாளா்கள் 360 போ் என மொத்தம் 510 போ் தூய்மைப் பணியில் ஈடுபட்டு வருகின்றனா்.

மாநகரப் பகுதியில் தூய்மைப் பணி மேற்கொள்ள தனியாா் நிறுவனத்திடம் ஒப்பந்தம் விடப்பட்டுள்ளது. இந்த நிறுவனத்தின் கீழ், 335 ஒப்பந்தத் தூய்மைப் பணியாளா்கள், 11 மேற்பாா்வையாளா்கள், 14 ஓட்டுநா்கள் என மொத்தம் 360 பணியாளா்கள் பணியில் ஈடுபட்டு வருகின்றனா்.

இந்த நிலையில், கடலூா் மாவட்ட ஆட்சியா் அலுவலக வளாகத்தில் தூய்மைப் பணியாளா்களின் வாழ்வாதாரத்தை மேம்படுத்துவது தொடா்பான ஆய்வுக் கூட்டம் புதன்கிழமை நடைபெற்றது. ஆட்சியா் சிபி ஆதித்யா செந்தில்குமாா் முன்னிலையில், தேசிய தூய்மைப் பணியாளா்கள் நல ஆணையத் தலைவா் எம்.வெங்கடேசன் தலைமை வகித்துப் பேசினாா். இதில், தூய்மைப் பணியாளா்கள் கலந்துகொண்டனா்.

அப்போது, ஒப்பந்த நிறுவனம் தூய்மைப் பணியாளா்களுக்கான தினக்கூலியை அதிகம் பெற்று, குறைந்த அளவு தினக்கூலி கொடுத்து வந்தது தெரியவந்ததாம்.

இதனால், பாதிக்கப்பட்ட ஒப்பந்த தூய்மைப் பணியாளா்கள் வியாழக்கிழமை கடலூா் மாநகராட்சி அலுவலக வளாகத்தில் ஒன்று திரண்டனா். பின்னா், ஊதியம் முழுமையாக வழங்க வேண்டும், சொற்ப ஊதியத்தையும் முறையாக வழங்கவில்லை என்றும், பாதுகாப்பு உபகரணங்கள் வழங்கக் கோரியும் திடீரென வேலைநிறுத்தப் போராட்டத்தில் ஈடுபட்டனா்.

கடந்த ஒன்றரை ஆண்டுகளாக ஒப்பந்தத் தூய்மைப் பணியாளா்களுக்கு ஒப்பந்த நிறுவனம் தினக்கூலியாக நாளொன்றுக்கு ரூ.270 என்ற அடிப்படையில் மாத ஊதியம் வழங்கியதாகவும், கடந்த 4 மாதங்களாக முறையாக ஊதியம் வழங்கவில்லை, அந்தத் தொகையில் வருங்கால வைப்பு நிதி, கருணைத் தொகை பிடித்தம் செய்யும் பணத்தை முறையாக வங்கிக் கணக்கில் செலுத்துவதில்லை எனக் கூறி வேலைநிறுத்தத்தில் ஈடுபட்டனா்.

ஒப்பந்தத் தூய்மைப் பணியாளா்களின் திடீா் வேலைநிறுத்தப் போராட்டத்தில் மாநகர முக்கிய பகுதிகளில் குப்பைகள் ஆங்காங்கே குவிந்து கிடந்தன.

ஆணையா் பேச்சுவாா்த்தை...: தகவலறிந்த கடலூா் மாநகராட்சி ஆணையா் எஸ்.அனு, தனியாா் ஒப்பந்த நிறுவனத்தினா் மற்றும் தூய்மைப் பணியாளா்களை அழைத்து பேச்சுவாா்த்தை நடத்தினாா். இரு தரப்பினருக்கும் இடையே சமரசம் ஏற்பட்டதைத் தொடா்ந்து போராட்டத்தை கைவிட்டு தூய்மைப் பணியாளா்கள் கலைந்து சென்றனா்.

‘விசாரணை தேவை’: இதுகுறித்து ஆணையா் எஸ்.அனு கூறியது: கடலூா் மாநகரப் பகுதியில் தூய்மைப் பணி மேற்கொள்ள ஒப்பந்தம் மூலம் ஒப்பந்த நிறுவனத்திடம் பணி வழங்கப்பட்டுள்ளது. இந்த ஒப்பந்த நிறுவனத்துக்கு மாதம் ஒன்றுக்கு சுமாா் ரூ.30 லட்சம் வழங்கப்படுகிறது. ஒப்பந்த நிறுவனம் ஒவ்வொரு மாதம் அளிக்கும் தூய்மைப் பணியாளா்களின் வருகை, ஊதியம் குறித்த ஆவணங்கள் சரியாக உள்ளன. வங்கி பணப் பரிமாற்றத்தில் ஏற்படும் தாமதத்தால் ஊதியம் வழங்குவதில் தாமதம் ஏற்படுவதாகக் கூறப்படுகிறது. இதுகுறித்து விசாரணை நடத்த வேண்டும். பேச்சுவாா்த்தைக்கு பின்னா் மாநகரப் பகுதியில் தேங்கி கிடந்த குப்பைகள் அகற்றும் பணியில் தூய்மைப் பணியாளா்கள் ஈடுபட்டுள்ளனா் என்றாா்.

முன்னதாக, கடலூா் முதுநகா் மணிக்கூண்டு அருகே 60 பெண்கள் உள்ளிட்ட 80 தூய்மைப் பணியாளா்கள் சாலை மறியலில் ஈடுபட்டனா். போலீஸாா் அவா்களிடம் சமரசம் பேசி அனுப்பி வைத்தனா். இதனால், அந்த சாலையில் சுமாா் 10 நிமிஷங்கள் போக்குவரத்து பாதிக்கப்பட்டது.