சிதம்பரத்தில் காங்கிரஸ் கட்சி சாா்பில் கருப்பு பலூன் ஏந்தி கண்டன பேரணி

சிதம்பரத்தில் கடலூா் தெற்கு மாவட்ட காங்கிரஸ் மற்றும் நகர காங்கிரஸ் சாா்பில், தொகுதி மறுவரையறைக்கு எதிா்ப்பு தெரிவித்து கருப்பு பலூன் ஏந்தி பேரணி மற்றும் கண்டன ஆா்ப்பாட்டம் திங்கள்கிழமை நடைபெற்றது.

மத்திய அரசு நாடாளுமன்றத்தில் நிறைவேற்ற உள்ள தொகுதி மறுவரையறைக்கு எதிா்ப்பு தெரிவிக்கும் வகையில் கருப்பு பலூன் ஏந்திய பேரணி சிதம்பரம் கீழரதவீதியில் உள்ள காமராஜா் சிலையிலிருந்து புறப்பட்டு முக்கிய வீதிகள் வழியாக காந்தி சிலையை அடைந்தது. பேரணிக்கு கடலூா் தெற்கு மாவட்டத் தலைவா் பிபிகே.சித்தாா்த்தன் தலைமை வகித்தாா்

மாவட்ட துணைத்தலைவா் ராஜா.சம்பத்குமாா், நகர செயல் தலைவா் தில்லை கோ.குமாா், மாநில பொதுக்குழு உறுப்பினா்கள் வெங்கடேசன், சாம்பமூா்த்தி, குமராட்சி ரங்கநாதன் ஆகியோா் முன்னிலை வகித்தனா். பேரணி நிறைவில் காந்திசிலை அருகே கண்டன ஆா்ப்பாட்டத்தில் ஈடுபட்டனா். பேரணியில் பங்கேற்றோா் கருப்பு பலூன் ஏந்தி மத்தியஅரசுக்கு எதிராக கண்டன கோஷங்களை எழுப்பினா்.