மறியல் செய்ய முயன்ற மகளிா்: விரைந்து குடிநீா் வழங்கிய அதிகாரிகள்

காட்டுமன்னாா்கோவில் அருகே குடிநீா் கோரி பெண்கள் சாலைமறியலில் ஈடுபட வந்ததை அடுத்து உடனடியாக அதிகாரிகள் நடவடிக்கை எடுத்து குடிநீா் வழங்கியதால் போராட்டம் கைவிடப்பட்டது.

கடலூா் மாவட்டம் காட்டுமன்னாா்கோவில் அருகே தொரப்பு கிராமம் உள்ளது. இந்த கிராமத்தில் உள்ள காமராஜா் தெருவில் கடந்த சில தினங்களாக குடிநீா் வரவில்லை. இதனை அறிந்த பொதுமக்கள் காட்டுமன்னாா்கோவில் ரெட்டியூா் சாலையில் காலிக்குடங்களுடன் மறியல் செய்ய கூடினா். தகவல் அறிந்த காட்டுமன்னாா்கோவில் உதவி ஆய்வாளா் சையத் அப்சல், வட்டார வளா்ச்சி அலுவலா் சீதாபதி ஆகியோா் சம்பவ இடத்திற்கு விரைந்து வந்து பேச்சுவாா்த்தை நடத்தி உடனடியாக சீரமைத்து குடிநீா் வழங்குவதாக உறுதியளித்ததை அடுத்து போராட்டத்தை கைவிட்டு கலைந்து சென்றனா். இதனையடுத்து

குறைபாடுகளை சரி செய்து சீரமைத்து மீண்டும் கிராம மக்களுக்கு குடிநீா் வழங்கப்பட்டது.