வடலூா் தூய இருதய ஆண்டவா் ஆலயத்தில் மோதல்: பங்குத்தந்தை உட்பட 6 போ் மீது வழக்குப்பதிவு

கடலூா் மாவட்டம், வடலூா் தூய இருதய ஆண்டவா் ஆலயத்திற்கு சொந்தமான கடைகள் ஒதுக்கீடு மற்றும் வரவு-செலவு கணக்கு தொடா்பாக நிகழ்ந்த மோதல் தொடா்பான புகாரின் பேரில் பங்குத்தந்தை, உதவி பங்குத்தந்தை உள்ளிட்ட 6 போ் மீது போலீஸாா் வழக்குப்பதிவு செய்து விசாரணை நடத்தி வருகின்றனா்.

வடலூா், சிதம்பரம் சாலையில் தூய இருதய ஆண்டவா் ஆலயம் அமைந்துள்ளது. இங்கு பங்குத்தந்தையாக ஜெயப்பிரகாஷ், உதவி பங்குத்தந்தையாக அஜய்குமாா் (29) ஆகியோா் பணியாற்றி வருகின்றனா்.

கடந்த சனிக்கிழமை இரவு 7 மணியளவில் வடலூா் பகுதியைச் சோ்ந்த அருள் அன்பு, ஜான்பிரிட்டோ(39), சகாயராஜ், ஆனந்தராயா் ஆகிய நான்கு பேரும் உருட்டுக்கட்டை மற்றும் கத்தியுடன் பங்குத்தந்தையின் குடியிருப்புப் பகுதிக்குச் சென்ாகக் கூறப்படுகிறது.

அப்போது, வெளியே வந்த உதவி பங்குத்தந்தை அஜய்குமாரிடம், பங்குத்தந்தை ஜெயப்பிரகாஷ் எங்கே எனக் கேட்டனராம். இதனால், இருதரப்புக்கும் இடையே வாக்குவாதம் ஏற்பட்டுள்ளது. அப்போது ஆத்திரமடைந்த அருள்அன்பு உள்ளிட்டோா், உதவி பங்குத்தந்தை அஜய்குமாரை உருட்டுக்கட்டையால் தாக்கியதில் அவருக்கு இடுப்புப் பகுதியில் பலத்த காயம் ஏற்பட்டதாகக் கூறப்படுகிறது.

சப்தம் கேட்டு வெளியே வந்த பங்குத்தந்தை ஜெயப்பிரகாஷிடம், கல்லறைத் தோட்டப் பகுதியில் காலியாக உள்ள இரண்டு கடைகளையும் ஆனந்தராயருக்கு ஒதுக்க வேண்டும் என்றும், இல்லையெனில் இருவரையும் கொலை செய்து விடுவதாகவும் கத்தியைக் காட்டி மிரட்டல் விடுத்துச் சென்ாகக் கூறப்படுகிறது.

இதேபோல், ஆலயத்தின் வரவு-செலவு கணக்கு விவரங்களை கேட்ட தங்களை பங்குத்தந்தை ஜெயப்பிரகாஷ், உதவி பங்குத்தந்தை அஜய்குமாா் ஆகியோா் தாக்கி கொலை மிரட்டல் விடுத்ததாக ஜான்பிரிட்டோ புகாா்அளித்துள்ளாா்.

இருதரப்பினரின் புகாரின் அடிப்படையில் வடலூா் போலீஸாா் அருள் அன்பு, ஜான்பிரிட்டோ(39), சகாயராஜ், ஆனந்தராயா் மற்றும் பங்கு தந்தை ஜெயப்பிரகாஷ், உதவி பங்குத்தந்தை அஜய்குமாா் ஆகிய 6 போ் மீது வழக்குப்பதிவு செய்து விசாரணை நடத்தி வருகின்றனா்.