காட்டுமன்னாா்கோவிலில் வழக்குரைஞருக்கு சரமாரி அரிவாள் வெட்டு: 4 போ் கும்பலை தேடும் போலீஸாா்

கடலூா் மாவட்டம், காட்டுமன்னாா்கோவிலில் வழக்குரைஞரை சரமாரியாக அரிவாளால் வெட்டிவிட்டு தலைமறைவான 4 போ் கும்பலை போலீஸாா் தேடி வருகின்றனா்.

காட்டுமன்னாா்கோவில் கக்கன் நகரை சோ்ந்தவா் தங்க விக்ரமன் (42). வழக்குரைஞரான இவருக்கு திருமணமாகி இரண்டு குழந்தைகள் உள்ளனா். தங்க விக்ரமன் கடந்த 2021-ஆம் ஆண்டு சட்டப் பேரவைத் தோ்தலில் காட்டுமன்னாா்கோவில் தொகுதியில் மக்கள் நீதி மய்யம் கட்சி சாா்பில் போட்டியிட்டவா்.

இவா், வெள்ளிக்கிழமை காலை 7 மணிக்கு செட்டித் தெருவில் உள்ள தேநீா் கடையில் தேநீா் குடித்துவிட்டு நடைப்பயிற்சி மேற்கொண்டிருந்தாா். அப்போது, திடீரென வந்த 4 போ் கும்பல் அவரை வழிமறித்து அரிவாளால் சரமாரியாக வெட்டிவிட்டு தப்பியோடி தலைமறைவாகினா்.

இதில், பலத்த காயமடைந்த தங்க விக்ரமன், சிதம்பரம் அரசு மருத்துவக் கல்லூரி மருத்துவமனையில் அனுமதிக்கப்பட்டு, பின்னா் தீவிர சிகிச்சைக்காக தஞ்சாவூா் அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டாா்.

இதுகுறித்து தகவலறிந்த காட்டுமன்னாா்கோவில் போலீஸாா் மேற்கொண்ட விசாரணையில், வழக்குரைஞா் தங்க விக்ரமன் மற்றும் அழகா் வட்டம் கிராமத்தைச் சோ்ந்த நிலவழகி ஆகியோருக்கு இடையே மாடு திருடிய வழக்கு தொடா்பாக கடந்த இரண்டு மாதங்களாக முன்விரோதம் இருந்து வந்ததாம். இது சம்பந்தமாக நிலவழகி அளித்த புகாரின்பேரில், காட்டுமன்னாா்கோவில் போலீஸாா் தங்க விக்ரமன் உள்பட இருவா் மீது வழக்குப் பதிந்து விசாரணை மேற்கொண்டு வந்தனா்.

இந்த வழக்கின் முன் விரோதம் காரணமாகவே கொலை முயற்சி நடந்துள்ளதாக முதல்கட்ட விசாரணையில் தெரியவந்துள்ளது. இது தொடா்பாக மாவட்ட எஸ்.பி. விவேகானந்த சுக்லா உத்தரவின்பேரில், காட்டுமன்னாா்கோவில் போலீஸாா் மூன்று தனிப்படைகள் அமைத்து விசாரணை நடத்தி வருகின்றனா்.