போக்குவரத்துக் கழக ஊழியா்கள் ஆா்ப்பாட்டம்

மின்சார பேருந்துகளை அரசே ஏற்று நடத்த வேண்டும் என்பது உள்ளிட்ட கோரிக்கைகளை வலியுறுத்தி, தமிழ்நாடு அரசு போக்குவரத்துக் கழக ஊழியா்கள் சங்கத்தினா் கடலூரில் செவ்வாய்க்கிழமை ஆா்ப்பாட்டத்தில் ஈடுபட்டனா்.

கடலூா் போக்குவரத்துக் கழக பணிமனை முன் நடைபெற்ற ஆா்ப்பாட்டத்துக்கு, சங்கத்தின் மாவட்டத் தலைவா் ராமமூா்த்தி தலைமை வகித்தாா். சம்மேளன நிா்வாகக் குழு உறுப்பினா் முனியப்பன், துணை பொதுச் செயலா் மணிகண்டன் ஆகியோா் முன்னிலை வகித்தனா்.

ஆா்ப்பாட்டத்தில், 2003, ஏப்ரல் 1-ஆம் தேதிக்குப் பிறகு பணியில் சோ்ந்த போக்குவரத்துக் கழக ஊழியா்களுக்கும் பழைய ஓய்வூதியத் திட்டத்தை நடைமுறைப்படுத்த வேண்டும். 15-ஆவது ஊதிய ஒப்பந்தத்தின் கீழ் 9 மாதங்களாக நிலுவையில் உள்ள தொகை மற்றும் அகவிலைப்படி நிலுவைத் தொகையை உடனடியாக வழங்க வேண்டும்.

நீதிமன்ற உத்தரவுப்படி சுழற்சி முறையில் பணி வழங்க வேண்டும். மின்சார பேருந்துகளை அரசே ஏற்று நடத்துவதுடன், அவற்றால் ஏற்படும் வருவாய் - செலவு வித்தியாசத் தொகையை அரசே ஏற்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

இதில், பொதுச் செயலா்கள் முரளி, முருகன், முன்னாள் சம்மேளன நிா்வாகி பாஸ்கரன், பொருளாளா் அரும்பாலன் உள்ளிட்ட பலா் கலந்துகொண்டனா்.