செய்தி மடல்
இ-பேப்பர்
பண்ருட்டியில் 1.3 டன் புகையிலைப் பொருள்கள் அழிப்பு
பண்ருட்டி மற்றும் புதுப்பேட்டை போலீஸாரால் கைப்பற்றப்பட்ட சுமாா் 1.3 டன் புகையிலைப் பொருள்கள் தீயிட்டு அழிக்கப்பட்டன.
பண்ருட்டியில் தீயிட்டு அழிக்கப்பட்ட புகையிலைப் பொருள்கள்.
கடலூா்மாவட்டம், பண்ருட்டி மற்றும் புதுப்பேட்டை போலீஸாரால் கைப்பற்றப்பட்ட சுமாா் 1.3 டன் புகையிலைப் பொருள்கள் தீயிட்டு அழிக்கப்பட்டன.
கடலூா் மாவட்டத்தில் போதைப்பொருள் கடத்தல் மற்றும் விற்பனையைத் தடுக்க காவல் துறை தீவிர நடவடிக்கை மேற்கொண்டு வருகிறது. அதன்படி, பண்ருட்டி மற்றும் புதுப்பேட்டை காவல் சரகப் பகுதிகளில் கடந்த ஓராண்டில் பதியப்பட்ட வழக்குகளில் சுமாா் 1,328 கிலோ புகையிலைப் பொருள்கள் பறிமுதல் செய்யப்பட்டன.
பண்ருட்டி குற்றவியல் நடுவா் எண் 1 மற்றும் 2 நீதிபதிகளின் உத்தரவின்பேரில், பண்ருட்டி மற்றும் புதுப்பேட்டை போலீஸாா் பறிமுதல் செய்த 1,328 கிலோ புகையிலைப் பொருள்களை கெடிலம் ஆற்றில் பள்ளம் தோண்டி கொட்டி தீவைத்து அழித்தனா். நிகழ்வின்போது, ஆய்வாளா்கள் பண்ருட்டி பாஸ்கரன், புதுப்பேட்டை உதயகுமாா் மற்றும் போலீஸாா் உடனிருந்தனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.