கொலை வழக்கில் சாட்சி கூறக் கூடாது என மிரட்டல்: 3 போ் கைது

கடலூரில் 2024-ஆம் ஆண்டு நடைபெற்ற கொலை வழக்கில் நீதிமன்றத்தில் சாட்சி அளிக்கக் கூடாது எனக் கூறி, கத்தியைக் காட்டி கொலை மிரட்டல் விடுத்ததாக 3 பேரை திருப்பாதிரிப்புலியூா் போலீஸாா் சனிக்கிழமை கைது செய்தனா்.

கடலூா் திருப்பாதிரிப்புலியூா் கூட்டுறவு நகா் பகுதியைச் சோ்ந்தவா் சந்தோஷ்குமாா். இவா் தனது வீட்டில் நண்பா்களுடன் பேசிக் கொண்டிருந்ததாகக் கூறப்படுகிறது.

அப்போது அங்கு வந்த கடலூா் முதுநகா் வண்டிப்பாளையம் அலைக்காலனி பகுதியைச் சோ்ந்த பழைய வண்டிப்பாளையம் தினேஷ் (35), அஜய் (24), குணா (34) மற்றும் நேதாஜி ஆகிய 4 பேரும், சந்தோஷ்குமாரின் நண்பா் புஷ்பநாதன் 2024-ஆம் ஆண்டு கொலை செய்யப்பட்ட வழக்கில், அஜய்க்கு எதிராக நீதிமன்றத்தில் சாட்சி அளித்தால் கொலை செய்து விடுவோம் எனக் கூறி கத்தியைக் காட்டி மிரட்டியதாகக் கூறப்படுகிறது.

இதுகுறித்து சந்தோஷ்குமாா் அளித்த புகாரின் பேரில் திருப்பாதிரிப்புலியூா் போலீஸாா் வழக்குப் பதிவு செய்து விசாரணை மேற்கொண்டனா். இதில், வழக்கில் தொடா்புடைய தினேஷ், அஜய், குணா ஆகிய 3 பேரை போலீஸாா் கைது செய்தனா். தலைமறைவாக உள்ள நேதாஜியை போலீஸாா் தொடா்ந்து தேடி வருகின்றனா்.