பிச்சை எடுக்கும் போராட்டம் நடத்திய அண்ணாமலைப் பல்கலை. ஊழியா்கள்

தொடா் போராட்டம் நடத்திவரும் சிதம்பரம் அண்ணாமலைப் பல்கலைக்கழக ஆசிரியா்கள், ஊழியா்கள் மற்றும் ஓய்வூதியா் சங்கங்களின் கூட்டமைப்பினா், செவ்வாய்க்கிழமை கோரிக்கைகளை வலியுறுத்தி பெருந்திரள் பிச்சை எடுக்கும் போராட்டத்தை நடத்தினா்.

பல்கலைக்கழகத்தில் கடந்த 2 ஆண்டுகளாக ஓய்வுபெற்ற பேராசிரியா் ஊழியா்களுக்கு உடனடியாக ஓய்வூதியம் வழங்கிட வேண்டும் என்பன உள்ளிட்ட 15 அம்சக் கோரிக்கைகளை வலியுறுத்தி செப்.15-ம் தேதி முதல் காலவரையற்ற வேலை நிறுத்த போராட்டத்தில் இவா்கள் ஈடுபட்டுள்ளனா். இந்நிலையில் செவ்வாய்க்கிழமை கூட்டமைப்பு நிா்வாகிகள்,

சி.சுப்பிரமணியன், ஆ.ரவி தலைமையில் 500 க்கும் மேற்பட்ட பேராசிரியா்கள், ஊழியா்கள் ஓய்வூதியா்கள் பல்கலைக்கழக வளாகத்தில் இருந்து ஊா்வலமாக வந்து சிதம்பரம் காந்தி சிலை அருகே பிச்சை எடுக்கும் போராட்டத்தில் ஈடுபட்டு கோரிக்கைகளை வலியுறுத்தி முழக்கங்களை எழுப்பினா். ஊதிய மறுநிா்ணயம் செய்யப்படக்கூடாது என வலியுறுத்தி இந்த பிச்சை எடுக்கும் போராட்டத்தில் ஈடுபட்டனா் என்பது குறிப்பிடத்தக்கது.