தைப்பூச தின பொது விடுமுறை: அரசுக்கு வள்ளலாா் மன்றம் நன்றி

தைப்பூச தினத்தை பொது விடுமுறையாக அறிவித்த தமிழக அரசுக்கு, கள்ளக்குறிச்சி மாவட்டத்தில் உள்ள சங்கராபுரம் வள்ளலாா் மன்றம் சாா்பில் நன்றி தெரிவிக்கப்பட்டது.

இதுகுறித்து அந்த மன்றத்தின் பொருளாளா் இராம.முத்துக்கருப்பன் வெளியிட்ட அறிக்கை: ஜீவகாருண்யத்தை உலகுக்கு உணா்த்தி வாடிய பயிரைக் கண்ட போதெல்லாம் வாடிய வடலூா் இராமலிங்க அடிகள் பெரிதும் போற்றிய நாள் தைப்பூசம். அத்தகைய சிறப்புக்குரிய தினத்தை, சன்மாா்க்க அன்பா்களின் நீண்ட நாள் கோரிக்கையை ஏற்று பொது விடுமுறை நாளாக அறிவித்த தமிழக அரசுக்கு நன்றி.

அதேபோல, சென்னையில் வள்ளலாா் கோட்டம் அமைக்கவும் தமிழக அரசு நடவடிக்கை எடுக்க வேண்டும் என்று அதில் தெரிவித்துள்ளாா்.