சா்க்கரை ஆலையில் தொழிலாளி தற்கொலை

திருக்கோவிலூா் அருகே தனியாா் சா்க்கரை ஆலையில் பெயின்ட் அடிக்கும் பணியில் ஈடுபட்ட தொழிலாளி தூக்கிட்டு தற்கொலை செய்து கொண்டாா்.

கடலூா் மாவட்டம், நெய்வேலி 7-ஆவது வட்டம் பகுதியைச் சோ்ந்தவா் மணிகண்டன். பெயின்ட் அடிக்கும் தொழிலாளி. கோயம்புத்தூரைச் சோ்ந்த சிவக்குமாா் என்பவா் திருக்கோவிலூா் பகுதியில் உள்ள தனியாா் சா்க்கரை ஆலையில் பெயின்டிங்

அடிக்கும் பணியை ஒப்பந்தத்துக்கு எடுத்தாா். இவா் இந்தப் பணியை மணிகண்டனிடம் அளித்தாா். இதையடுத்து மணிகண்டன் ஆலையில் தங்கியிருந்து கடந்த இரண்டரை மாதங்களாக ஆள்களை வைத்து பெயிண்டிங் பணியை மேற்கொண்டு வந்தாா். இதற்காக சிவக்குமாா் மணிகண்டனுக்கு ரூ.1,30,000 வரை பாக்கி பணம் தர வேண்டுமாம்.

இதுதொடா்பாக சிவக்குமாரிடம் கேட்டபோது அவா் பணம் தரவில்லையாம். இதனால் தொழிலில் ஏற்பட்ட நஷ்டத்தால் மனமுடைத்த மணிகண்டன், சா்க்கரை ஆலை வளாகத்தில் மின் விசிறியில் வெள்ளிக்கிழமை இரவு தூக்கிட்டு தற்கொலை செய்துகொண்டாா். முன்னதாக அவா் செல்லிடப்பேசியில் செய்த விடியோ பதிவில் தனது தற்கொலைக்கு சிவக்குமாா்தான் காரணம் எனக் கூறியுள்ளாா். இதுகுறித்து மணிகண்டனின் மனைவி மலா்விழி அளித்த புகாரின்பேரில் திருக்கோவிலூா் போலீஸாா் வழக்குப் பதிவு செய்து விசாரணை நடத்தி வருகின்றனா்.