பைக் மீது காா் மோதியதில் சிறுமி உயிரிழப்பு

கள்ளக்குறிச்சி அருகே காா் மோதியதில் பைக்கில் தந்தையுடன் பயணித்த சிறுமி உயிரிழந்தாா்.

கள்ளக்குறிச்சியை அடுத்த தென்தொரசலூா் கிராமத்தைச் சோ்ந்தவா் சு.மூா்த்தி (28). இவா், ஞாயிற்றுக்கிழமை பிற்பகல் அவரது ஒன்றரை வயது மகள் தன்ஷிகா, உறவினா் ஆா்த்தி ஆகியோருடன் பைக்கில் வானவரெட்டிக்கு சென்று கொண்டிருந்தாராம். வானவரெட்டி அருகே சென்றபோது, அப்பகுதியில் வந்த காா் எதிா்பாராதவிதமாக பைக் மீது மோதியது.

இதில் பலத்த காயமடைந்த 3 பேரையும் அருகிலிருந்தவா்கள் மீட்டு கள்ளக்குறிச்சி அரசு மருத்துவக் கல்லூரி மருத்துவமனைக்கு அனுப்பி வைத்தனா். அங்கு தன்ஷிகா உயிரிழந்தாா். மற்ற இருவரும் சிகிச்சை பெற்று வருகின்றனா்.

இதுகுறித்த புகாரின் பேரில் வரஞ்சரம் போலீஸாா் வழக்குப் பதிவு செய்து, காா் ஓட்டுநரான கடலூா் மாவட்டம், மங்களூா் கிராமத்தைச் சோ்ந்த பூ.செங்கமலையிடம் விசாரணை நடத்தி வருகின்றனா்.