தலைமைச் செயலகம் முன் நகராட்சி ஊழியர்கள் தர்னா

கொம்யூன் பஞ்சாயத்துகளில் பணிபுரியும் ஊழியர்களை புதுச்சேரி நகராட்சியில் பணி நிரந்தரம் செய்வதற்கு எதிர்ப்பு தெரிவித்து தலைமைச் செயலகம் முன் நகராட்சி ஊழியர்கள் தர்னாவில் ஈடுபட்டனர்.

 பிற நகராட்சி மற்றும் கொம்யூன் பஞ்சாயத்தில் தினக்கூலி ஊழியர்களாக பணிபுரியும் 82 பேரை, புதுச்சேரி நகராட்சியில் பணிநிரந்தரம் செய்ய உள்ளனர். இதற்கு புதுச்சேரி நகராட்சி ஊழியர்கள் எதிர்ப்பு தெரிவித்து கடந்த 6 நாள்களாக பல்வேறு போராட்டங்களை நடத்தி வருகின்றனர்.

 இந்த நிலையில், இதற்கு எதிர்ப்பு தெரிவித்து தலைமைச் செயலகம் முன் புதுவை நகராட்சித் தொழிலாளர் கூட்டமைப்பினர் வியாழக்கிழமை தர்னா நடத்தினர்.  அப்போது அவர்கள் ஏற்கெனவே நகராட்சியில் நிதிச்சுமை உள்ளது. புதுச்சேரியில் நகராட்சியில் பணிபுரியும் தொழிலாளர்களுக்கே ஊதியம் கொடுக்க முடியாத நிலையில், புதிய தொழிலாளர்களை நியமிப்பதால் கூடுதல் நிதிச்சுமை ஏற்படும் என்று தெரிவித்தனர்.