அகில இந்திய வணிக சம்மேளன துணைத் தலைவர் தேர்வு

அகில இந்திய வணிக சம்மேளனத்தின் துணைத் தலைவராக புதுவை வணிகர் கூட்டமைப்பின் தலைவர் சிவசங்கர் தேர்வு செய்யப்பட்டார்.
 அகில இந்திய வணிக சம்மேளனத்தின் கீழ், புதுவை வணிகர் கூட்டமைப்பு இயங்கி வருகிறது. இந்த நிலையில், அகில இந்திய வணிக சம்மேளனத்துக்கு புதிய நிர்வாகிகளை தேர்வு செய்வதற்கான தேர்தல் தில்லியில் கடந்த வாரம் நடைபெற்றது.
 இதில், புதுவை வணிகர் கூட்டமைப்பின் தலைவர் சிவசங்கர், தேசிய துணைத் தலைவராக போட்டியின்றி தேர்வு செய்யப்பட்டார். இவருக்கு செப்.25-ஆம் தேதி செயராம் திருமண நிலையத்தில் புதுவை வணிகர் கூட்டமைப்பு சார்பில் பாராட்டு விழா நடத்தப்பட உள்ளது.