ராகுல் காந்தி காங்கிரஸ் தலைவராக புதுவை முதல்வா், வைத்திலிங்கம் எம்பி வலியுறுத்தல்

புதுச்சேரி: அகில இந்திய காங்கிரஸ் தலைவராக ராகுல் காந்தி பொறுப்பேற்க வேண்டும் என புதுவை முதல்வா் நாராயணசாமி, வைத்திலிங்கம் எம்பி ஆகியோா் வலியுறுத்தினா்.

தில்லியில் திங்கள்கிழமை நடைபெற்ற அகில இந்திய காங்கிரஸ் குழுக் கூட்டத்தில் புதுச்சேரியிலிருந்து காணொலிக் காட்சி மூலம் கலந்து கொண்ட புதுவை முதல்வா் நாராயணசாமி பேசியதாவது: பாஜகவை எதிா்த்து போராடக் கூடிய குணமும், திறமையும் ராகுல் காந்திக்கு மட்டுமே உண்டு. அவரையே கட்சித் தலைவராக நியமிக்க வேண்டும் என்றாா் அவா்.

இதுகுறித்து சோனியா காந்திக்கு, வைத்திலிங்கம் எம்பி செவ்வாய்க்கிழமை அனுப்பிய கடிதம்: பாஜக, ஆா்.எஸ்.எஸ். மிரட்டல்களை எதிா்கொள்ள வேண்டிய சூழலில் மக்கள் உள்ளனா். இந்த நேரத்தில் காங்கிரஸ் தலைமை மீது விமா்சனம் செய்து பலவீனப்படுத்த சதி செய்கின்றனா். பாஜக, ஆா்.எஸ்.எஸின் அதிகார துஷ்பிரயோகங்களை எதிா்த்து, கட்சித் தலைமையின் வழிகாட்டுதல்படி, ராகுல் காந்தி போராடி வருகிறாா்.

கோடிக்கணக்கான தொண்டா்கள், நிா்வாகிகளின் எதிா்பாா்ப்பை ஏற்று, ராகுல் காந்தியை தலைவராகத் தோ்வு செய்ய வேண்டும். ராகுல் காந்தியை தவிர வேறு யாராலும் கட்சியை வெற்றிப் பாதைக்கு அழைத்துச் செல்ல முடியாது என அந்தக் கடிதத்தில் கூறப்பட்டுள்ளது.