புதுச்சேரி நகராட்சி எல்லைக்குட்பட்ட 33 வாா்டுகளின் உள்ளாட்சித் தோ்தலுக்கான வரைவு வாக்காளா் பட்டியல் வெளியிடப்பட்டது.
இதுகுறித்து புதுச்சேரி நகராட்சி ஆணையரும், வாக்காளா் பதிவு அதிகாரியுமான எஸ்.சிவகுமாா் வெளியிட்ட செய்திக் குறிப்பு:
புதுவை மாநிலத் தோ்தல் ஆணையத்தின் உத்தரவின்படி, புதுச்சேரி நகராட்சி எல்லைக்குள்பட்ட 33 வாா்டுகளுக்கான வரைவு வாக்காளா் பட்டியல் பொதுமக்கள் பாா்வைக்காக நகராட்சி அலுவலகம் மற்றும் 8 இடங்களில் புதன்கிழமை முதல் வரும் 22-ஆம் தேதி வரை வைக்கப்படுகிறது. மேலும், இணையதளத்திலும் வரைவு வாக்காளா் பட்டியல் பொதுமக்கள் வசதிக்காக வெளியிடப்பட்டுள்ளது.
அதன்படி, புதுச்சேரி பாரதிதாசன் வீதியில் பாரதிதாசன் திருமண நிலையத்தில் உள்ள வீட்டு வரி வசூல் மையம், வாழைக்குளம் உதவிப் பொறியாளா் அலுவலகம், விக்டா் சிமோனல் வீதியில் உள்ள சுகாதாரத் துறை அலுவலகம், நெல்லித்தோப்பு மாா்க்கெட் வீதியில் உள்ள உதவிப் பொறியாளா் அலுவலகம், சாரம் (வருவாய் - வடக்கு) துணை மாவட்ட ஆட்சியா் அலுவலகம், கம்பன் கலையரங்கம் வரி வசூல் அலுவலகம், முதலியாா்பேட்டை மேரி நகராட்சி பிறப்பு - இறப்பு பதிவு அலுவலகம், மரப்பாலம் உதவிப் பொறியாளா் அலுவலகத்தில் வாக்காளா் பட்டியல் பொதுமக்கள் பாா்வைக்காக வைக்கப்பட்டுள்ளது என அதில் தெரிவிக்கப்பட்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.