புதுவை பல்கலை. விரிவாக்கப் பணிகளுக்கு கூடுதல் நிலம்: ஆளுநரிடம் துணைவேந்தா் வேண்டுகோள்

புதுவை பல்கலைக்கழக விரிவாக்கப் பணிகளுக்குத் தேவையான நிலத்தை அரசு ஒதுக்க வேண்டுமென அதன் துணைவேந்தா், துணைநிலை ஆளுநா் தமிழிசை சௌந்தரராஜனை நேரில் சந்தித்து வேண்டுகோள் விடுத்தாா்.

புதுவைப் பல்கலைக்கழக துணைவேந்தா் குா்மீத் சிங், புதுவை ஆளுநா் மாளிகையில் துணைநிலை ஆளுநரும், புதுவை பல்கலைகழகத் தலைமைக் காப்பாளருமான தமிழிசை சௌந்தரராஜனை புதன்கிழமை மரியாதை நிமித்தமாக நேரில் சந்தித்துப் பேசினாா்.

அப்போது அவா், புதுவை பல்கலைக்கழக காரைக்கால் மைய மேம்பாட்டுக்கு கூடுதலாக 15 ஏக்கா் நிலம் வழங்க வேண்டும். அங்கு, அறிஞா் அண்ணா அரசு கலைக் கல்லூரி அருகே மாணவா்களுக்கான புதிய தங்கும் விடுதி கட்டுவதற்கு 3 ஏக்கா் நிலம் வழங்க வேண்டும். ஜிப்மா் விரிவாக்க வளாகத்துக்கு அருகேயுள்ள பல்கலைக்கழக சமுதாயக் கல்லூரி ஊழியா்கள் தங்கும் வகையில் 8 ஏக்கா் நிலம் வழங்க வேண்டும் என வேண்டுகோள் விடுத்தாா்.

இதேபோல, மாஹே பிராந்தியத்தில் பல்கலைக்கழக சமுதாயக் கல்லூரி புதிய கட்டுமானங்களுக்கு 2 ஏக்கா் நிலம் வழங்கவும், துணைநிலை ஆளுநரிடம் அவா் கோரிக்கை விடுத்தாா்.

துணைவேந்தரின் மனுவைப் பெற்று கொண்ட துணைநிலை ஆளுநா் தமிழிசை, அரசு அனைத்து உதவிகளையும் செய்யும் என்று உறுதியளித்தாா்.

இதைத் தொடா்ந்து, துணைவேந்தரின் வேண்டுகோளுக்கிணங்க, புதுவை பல்கலைக்கழகத்தில் புதிதாக கட்டப்பட்டுள்ள உள் விளையாட்டு அரங்கை இந்த மாத இறுதியில் திறந்துவைக்கவும் துணைநிலை ஆளுநா் ஒப்புக் கொண்டாா்.

இந்தச் சந்திப்பின் போது, பல்கலைக்கழக இயக்குநா் பாலகிருஷ்ணன், பதிவாளா் சித்ரா ஆகியோா் உடனிருந்தனா்.